Црква „Св. Ѓорѓи Музевички“

Свети Ѓорѓи Музевички (грчки: Αγίου Γεωργίου του Μουζεβίκη) — црква во градот Костур, Егејска Македонија. Влегува во состав на Костурската епархија на Цариградската патријаршија. Храмот е дел од парохијата на „Св. Тома“.^[1][2] Изворно ѝ припаѓал на Охридската архиепископија.

Св. Ѓорѓи Музевички
Αγίου Γεωργίου του Μουζεβίκη
Фреска на Пресвета Богородица Радост на сите, 1657 г.
40.5189°N 21.2716°E / 40.5189; 21.2716
Место	Костур
Земја	Егејска Македонија, Грција
Вероисповед	Цариградска патријаршија
Архитектура
Архит. тип	еднокорабна базилика
Изградба	XVII век
Управа
Архијерејско намесништво	Костурско
Епархија	Костурска

Црквата била подигната во средината на XVII век. Според ктиторскиот натпис во олтарот под сцената „Видение на Петар Александриски“, таа некогаш била католикон на истоимен манастир.^[2] Во храмот работело тајно училиште. Натписот гласи^[2]:

„

:ΜΝΗCΘΗΤΙ ΚΕ ΤΑC ΨΥΧΑC ΤΩΝ ΜΑΚΑΡΙΩΝ ΚΤΗΤΟΡΩΝ ΤΗC ΑΓΙΑC ΜΟΝΗC ΤΑΥΤΗC ΚΑΛΙΝΙΚΟΥ ΜΟΝΑΧΟΥ ΜΑΡΟΥΛΙ ΚΑΙ ΙΩΑΝΝΟΥ ΜΝΗCΘΗΤΙ ΚΥΡΙΕ ΤΗΝ ΨΥΧΗΝ ΤΟΥ ΔΟΥΛΟΥ CΟΥ ΣΥΝ ΤΗ ΣΥΜΒΙΟΥ CΥΤΟΥ:

“

Градбата претставува мала еднокорабна базилика со дрвен покрив и егзонартекс, сместен перпендикуларно на наосот.^[3] Градежот е примитивен.^[2]

На северниот и источниот ѕид има вреден живопис од XVI век (1550–1560).^[2] Живописот во припратата е од XVII век^[2], поточно од 1657–1663 година, дело на мајстори од Костурската школа, кој е зачуван во лоша состојба.^[3]

Галерија

• 
  Мачеништвото на Свети Ѓорѓи, 1657–1663 г.
• 
  Свети Петар и Павле
• 
  Икона на Свети Јован Претеча од иконостасот
• 
  Видение на Петар Александриски