Црква „Св. Јован Крстител“ - Штип

Св. Јован Крстител — средновековна црква во преградието Ново Село кај градот Штип. Му припаѓа на Штипското архијерејско намесништво во Брегалничката епархија на МПЦ - ОА. Прогласена е за културно наследство на Македонија.^[1][2]

Свети Јован Крстител
Поглед на црквата
македонска православна црква
Епархија	Брегалничка
Архијерејско намесништво	Штипско
Парохија	Новоселска
Местоположба
Координати	41°44′12.6″N 22°11′02.8″E
Место	Ново Село
Општина	Штип
Држава	Македонија
Општи податоци
Покровител	Јован Крстител
Завршено	1350
Архитектонски опис
Архит. тип	еднокорабна базилика

Црквата се наоѓа високо на карпите десно од патот од Штип за предградието Ново Село, на десниот брег на река Отиња.

Историја

Црквата била изградена во 1350 година со поддршка на Јован ПробиштиповиЌ во време кога сопственик на земјиштето бил деспотот Јован Оливер.^[3][4][5]

Особености

Претставува мала еднокорабна бескуполна градба. Јужната фасада е украсена со лизени, а над западниот влез се наоѓа профилирана ниша слична на онаа од јужната страна, во која има фреска на покровителот Јован Крстител. Од живописот зачувани се само незначителни фрагменти — претставата на светите Константин и Елена на јужниот ѕид.^[6]

Галерија

• 
  Црквата оддалеку гледана од југ
• 
  Црквата гледана од југoзапад
• 
  Западниот влез
• 
  Западниот влез
• 
  Јужниот влез
• 
  Фреска на десната страна на јужниот влез (веројатно таа на Константин)
• 
  Фреска на левата страна на јужниот влез (веројатно таа на Елена)

Поврзано

• Брегалничка епархија
• Штипско архијерејско намесништво