Црква „Св. Димитриј“ - Магарево

Св. Димитриј — црква во битолското село Магарево. Му припаѓа на Битолското архијерејско намесништво во Преспанско-пелагониската епархија на МПЦ - ОА.

Свети Димитриј
Оригиналната црква на грчка разгледница од 1885 г.
македонска православна црква
Епархија	Преспанско-пелагониска
Архијерејско намесништво	Битолско
Парохија	Кукуречанска
Местоположба
Координати	41°2′39.1″N 21°14′7.3″E
Место	Магарево
Општина	Битола
Држава	Македонија
Општи податоци
Покровител	Димитрија Солунски
Завршено	1834 / 1920-ти
Архитектонски опис
Архит. тип	базилика

Местоположба

Црквата е гробишен храм, сместен во северозападниот дел на селото. Недалеку на североисток, на повисок терен е Магаревскиот манастир со црквата „Св. Ѓорѓи“ од 1871 година.^[1]

Историја

Храмот е изграден во 1834 година. За време на Првата светска војна на подрачјето се воделе жестоки битки и црквата била уништена. Вредниот иконостас е демонтиран од бугарски војници со намера да го однесат во Бугарија. Сепак, нивната намера не успеала и тој е подоцна откриен и пренесен во храмот „Св. Богородица“ во Битола заедно со оној од „Успение на пресв. Богородица“ во Трново. По војната црквата е возобновена.^[1]

Опис

Црквата е голема и убава крстовидна камена базилика со сложена архитектура.^[2] Во многу нешта е слична на „Св. Димитриј“ во Битола. Во внатрешноста нема зачувано траги од живопис. Иконостасот со два реда икони е нов, а од старите икони се зачувани само неколку оштетени примероци.^[3]

Поврзано

• Кукуречанска парохија
• Битолско архијерејско намесништво