Црква „Св. Илија“ - Градовци
црква во селото Градовци From Wikipedia, the free encyclopedia
Remove ads
Свети Илија — македонски православен храм во селото Градовци во околината на градот Скопје.[1] Сместен е во густа дабова шума на крајот на горното маало на селото, веднаш од десната страна на земјениот пат кој води кон селата Гумалево и Тисовица. Црквата се наоѓа југозападно од селото и во нејзината околина има старински гробишта со камени крстови[2], кои до денес се добро зачувани. Оваа црква во 1923 на местото на остатоците од дотогашното црквиште (имало „ѕидини“) ја изградил еден селанец (Блаже Станковски) кој немал машки деца[2]. На денот на црквата, Илинден, се колела жртва (крава) крај црквата[2]. Околу црквата има свети и чудотворни („табуисани“) дабови[2], кои се оградени со железна ограда и крај кои населението пали свеќи и остава пари и разни дарови. Според натписот на влезот на црквата таа била возобновена во 1993 година, кога го добила и денешниот изглед со покриена трпезарија со маси и фрески и икони дарувани за здравје од семејства со потекло од селото Градовци.
Remove ads
Галерија
Влезот на црквата со натписот за годината на изградбата и обнововувањето и мермерниот крст
Светиот чудотворен даб крај црквата
Наводи
Wikiwand - on
Seamless Wikipedia browsing. On steroids.
Remove ads