Црква „Св. Никола“ - Маврово (нова)

Црква „Св. Никола“ - Маврово (наречена и „Св. Николај“) — главна манастирска црква на Мавровскиот манастир, која се наоѓа во селото Маврово во Општина Маврово и Ростуше. Таа е една од најголемите цркви во Мавровскиот регион.

Ова е статија за новата мавровска црква. За други значења видете на појаснителната страница

Свети Николај
Поглед кон црквата
македонска православна црква
Епархија	Тетовско-гостиварска
Архијерејско намесништво	Гостиварско
Парохија	Мавровска
Местоположба
Место	Маврово
Општина	Маврово и Ростуше
Држава	Македонија
Општи податоци
Покровител	Свети Никола
Изградба	1996
Осветување	3 јуни 2008
Ктитор	Душан Петрески
Архитектонски опис

Градба

Црквата е со димензии слични на потопената во езерото. Основата ѝ е 15 на 20 метри, со височина од 18 метри, а камбанаријата е 20 метри. Уредувањето и изградбата чинеле повеќе од 1,5 милиони евра. За изградба свои прилози дале 120 стопанственици од Македонија и од други земји. До црквата, која се наоѓа до патот што води кон ски-центарот Маврово, се симнува по 33 скалила. Во дворот има и седум чешми, клупи и тревник, а планирано е да се изгради и конак. Црквата била предадена во употреба во рамките на јубилејот 50 години од обновувањето на МПЦ-ОА.^[1]

Храмот е карактеристичен по својата пространост во надворешниот и внатрешниот пронаос, нартексот и неговиот олтар. Тој има прекрасно изработен иконостас. Неговиот фрескоживопис е комплетен и поставен на поголеми површини и со мотиви на сликање усогласени на препораките од светите канони. Забележливо е и присуството на кружни столбови украсени со мотиви од животот Христос. Неговата градба е грандиозна, со совршени линии на аглите, а на горниот дел се извишива централна купола со насликан Седржител, како израз на достигнатото совршенство во градителството на сакралните објекти.

Галерија

Фрескоживопис

• 
  Средишната купола во црквата
• 
  Средишната купола со главниот лустер во црквата
• 
  Поглед на иконостасот на црквата
• 
  Дел од внатрешноста
• 
  Дел од внатрешноста

Надворешност

• 
  Поглед на црквата
• 
  Црквата во зима
• 
  Поглед на камбанаријата на црквата
• 
  На заоѓање на сонцето
• 
  Поглед од дворот

Поврзано

• Гостиварско архијерејско намесништво
• Мавровска парохија
• Маврово