Црква „Св. Никола“ - Мраморец

Св. Никола — црква во охридското село Мраморец, Општина Дебрца, претставник на Македонската преродба. Му припаѓа на Охридското архијерејско намесништво во Дебарско-кичевската епархија на МПЦ - ОА.

Свети Никола
Поглед на црквата
македонска православна црква
Епархија	Дебарско-кичевска
Архијерејско намесништво	Охридско
Парохија	Годивска
Местоположба
Координати	41°23′3.1″N 20°52′36.0″E
Место	Мраморец
Општина	Дебрца
Држава	Македонија
Општи податоци
Покровител	Свети Никола
Изградба	1846 - 1886
Архитектонски опис
Стил	преродбенички

Постарата црквичка

Црквата е градена четириесет години, од 1846 до 1886 г. и претставува гробишен храм. Во 1896 г. иконостасот, амвонот и владичкиот престол на храмот се изработени од дебарскиот копаничар Јаким Тодоров.^[1] Во него име икони од мијачкиот мајстор Крсте Колоски.^[2] Се смета дека црквата била целосно завршена во 1909 г.

Храмот е изграден од кршен и делкан камен, има големи димензии и седумстрана апсида на исток, целата од бигор со слепи аркади.^[3]

На два метри југоисточно од апсидниот дел на храмот се наоѓа постарата црква, исто така посветена на Свети Никола, која претставува еднокорабен храм од камен со полукружна апсида.^[3] Во црквичката може да се забележат неколку стари, но потполно уништени, икони.^[4]

Зафати и преосветување

Црквата е реконструирана во 1996 г. според плоча на фасадата.^[5] До летото 2011 г. црквата се одликувала со сиромашен фрескопис и иконопис, но тогаш, таа била целосно насликана со фрески. Автор на фреските е битолскиот уметник Стефан Малбашиќ, а црквата биле преосветена на 16 септември 2012 г. Согласно каноните, храмот бил преосветен од митрополитот Тимотеј во сослужение на протојерејот Игор Никовски и свештеникот Душан Јорданоски.^[6]

Слики

• 
  Предната фасада
• 
  Иконостасот
• 
  Икона на св. Никола
• 
  Фреска со св. Кузман и Дамјан и св. Пантелејмон

Поврзано

• Годивска парохија
• Охридско архијерејско намесништво