Црква „Св. Никола“ - Сопот

Свети Никола — главна селска црква во селото Сопот, Светиниколско.^[1]

Свети Никола
Поглед на црквата
македонска православна црква
Епархија	Брегалничка
Архијерејско намесништво	Штипско
Парохија	Втора светиниколска
Местоположба
Координати	41°53′56.4″N 21°52′12.6″E
Место	Сопот
Општина	Свети Николе
Држава	Македонија
Општи податоци
Покровител	Свети Никола
Завршено	1878
Архитектонски опис

Местоположба

Црквата е сместена на влезот од селото, од десната страна на патот кој води од селото Горобинци.

Историја

Црквата била изградена во 1878 година. На нејзино место во минатото имало мал храм којшто бил покриен со камени плочки. Главен ѕидар бил мајстор по име Дине од соседното село Крушица, а внатрешноста била живописана од извесни зографи од Велес.^[2] Иконите и фрескоживописот во куполата биле изработени во XIX век од страна на мајстор по име Петар и непознати автори од кратовска тајфа.^[3]

Архитектура

Градбата има правоаголна основа со многуаголна апсида на источната страна. Главниот влез е сместен на западната страна и над него има голема ниша со фреска на Свети Никола, а црквата има и спореден влез на јужната страна над којшто има ниша со натпис. Објектот во целост е обоен во бела боја и е покриен со кров од ќерамиди. Во дворот на црквата има помошен објект и во него се сместени селските гробишта.

Галерија

• 
  Влезна порта од дворот на црквата
• 
  Главниот влез
• 
  Споредниот влез
• 
  Натписот над споредниот влез
• 
  Апсидата
• 
  Источната страна
• 
  Помошниот објект
• 
  Помошниот објект
• 
  Селските гробишта

Поврзано

• Сопот
• Брегалничка епархија
• Штипско архијерејско намесништво
• Втора светиниколска парохија