Црква „Св. Никола“ - Суводол (Битолско)

Свети Никола – манастирска црква на Суводолскиот манастир.^[1]

Свети Никола
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Новачка
Местоположба
Координати	41°04′29.5″N 21°32′24.2″E
Место	Суводол
Општина	Новаци
Држава	Македонија
Општи податоци
Покровител	Свети Никола
Завршено	1931 1996 (обновена)
Архитектонски опис

Историја

Од натписната плоча до влезот на конакот се забележува дека црквата била изградена во 1931 година, по што била срушена во 1994 година и изградена на новото место на манастирот во 1996 година.

Архитектура

Градбата на црквата претставува крстокуполен храм со осумаголна купола којашто има по една монофора на секоја страна и многуаголна апсида на источната страна. Главниот влез се наоѓа на западната страна и од обете страни на влезната врата има по една вертикална застаклена фреска — на левата е претставена Богородица со Исус, а на десната Свети Никола. Црквата има и спроеден влез на јужната страна. Објектот во целост е обоен во бела боја и е покриен со кров од ќерамиди.

Камбанаријата на црквата е со квадратна основа. Рабовите на аглите се истакнати нанадвор и забележителни се тулите од коишто се изградени. Слично како и црквата, камбанаријата е целосно обоена во бела боја и е покриена со кров од ќерамиди.

Галерија

• 
  Поглед на црквата
• 
  Западната страна
• 
  Главниот влез
• 
  Споредниот влез
• 
  Куполата
• 
  Апсидата
• 
  Камбанаријата
• 
  Камбанаријата (лево) и црквата (десно)

Поврзано

• Суводолски манастир
• Суводол
• Преспанско-пелагониска епархија
• Битолско архијерејско намесништво
• Новачка парохија