Црква „Св. Пантелејмон“ - Костур

Свети Панталејмон Варлаамски (грчки: Αγίου Παντελεήμονα) — црква во градот Костур, Егејска Македонија. Влегува во состав на Костурската епархија на Цариградската патријаршија.^[1][2][3] Има улога на парохиски храм.^[3]

Свети Панталејмон
Αγίου Παντελεήμονα
Поглед на црквата
40.5210°N 21.2731°E / 40.5210; 21.2731
Место	Костур
Земја	Егејска Македонија, Грција
Вероисповед	Цариградска патријаршија
Архитектура
Статус	споменик на културата
Архит. тип	трикорабна базилика
Изградба	1857
Управа
Архијерејско намесништво	Костурско
Епархија	Костурска

Според натписот на апсидата, црквата била подигната во 1857 г.^[2][3] Во 1991 г. црквата е прогласена за заштитен споменик на културата.^[1]

Градбата претставува камена трикорабна базилика. Изградена е од делкани камени блокови одделени со појаси од керамични плочи.^[3] Корабите се поделени со дрвени столбови.^[2]

Храмот има забележителен резбан иконостас од 1877 г.^[2] Во царскиот ред се поставени иконите (од југ кон север): Св. Илија, Преображение Господово, Христос Голем Архијереј, Св. Ѓорѓи и Св. Теодор, Св. Пантелејмон, Пресв. Богородица, Св. Јован Претеча, Св. Атанасиј и Св. Тома. Живопис има единствено во проскомидската ниша, каде е претставена сцената „Христос-Жртва“.^[2]