Црква „Св. Петка“ - Бродец

Света Петка — манастирска црква на Бродечкиот манастир.

Света Петка
Поглед на црквата
македонска православна црква
Епархија	Тетовско-гостиварска
Архијерејско намесништво	Гостиварско
Парохија	Мавровска
Местоположба
Координати	41°45′50.2″N 20°40′20.2″E
Место	Бродец
Општина	Гостивар
Држава	Македонија
Општи податоци
Покровител	Света Петка
Изградба	2012
Завршено	2015
Осветување	9 август 2015
Живопис	Славко Ѓиноски
Архитектонски опис

Историја

Изградбата на црквата започнала во 2012 година и истата била завршена во 2015 година. Храмот бил осветен на 9 август 2015 година од страна на Митрополитот г. Јосиф на свеченост одржана за осветување на манастирот.^[1][2]

Архитектура

Црквата е изградена од камен. Таа има четириаголна основа, со осумаголна купола која се издига од средишниот дел на покривот, натстрешница пред влезот на храмот и полукружна апсида на источниот ѕид. На јужната, северната, западната и источната страна од куполата има по една монофора. Ѕидот во внатрешноста на влезниот простор покриен со натстрешница содржи врамена молитва, додека над влезната метална врата има мала фреска со ликот на Света Петка и цветен венец во облик на лак. Над лакот има фреска која го отсликува животворниот извор за кој се верува дека е сместен во непосредна близина на манастирот и на која се прикажани верници како сипаат од лековитата вода која тече од чешма со три шепурки. Црквата е изградена од камен. Внатрешноста на црквата е фрескоживописана, а фрескописот е дело на мајсторот Славко Ѓиноски.^[1]

Галерија

• 
  Молитва на ѕид во влезниот простор
• 
  Влезната врата од црквата
• 
  Фреската која го отсликува животворниот извор
• 
  Внатрешноста на црквата
• 
  Фрескоживопис во внатрешноста на куполата

Поврзано

• Бродечки манастир
• Гостиварско архијерејско намесништво
• Мавровска парохија
• Бродец