Црква „Св. Петка“ - Лазарополе
црква во селото Лазарополе From Wikipedia, the free encyclopedia
Remove ads
Црква „Св. Петка“ - Лазарополе — една од неколкуте цркви во мијачкото село Лазарополе. Се наоѓа во длабока шума во непосредна близина на селото, во правец на запад.
Црквата била изградена во 1908 година од страна на лазарополецот Јосиф Аврамов Куноски, а во текот на 2004 година била целосно обновена од страна на црковниот одбор на селото.
Remove ads
Пристап
Црквата е пристапна со патека која почнува од самото село, продолжува кон месноста Крс, а потоа патеката започнува да се симнува кон Тресонечка Река. Патеката поминува низ падини, а подоцна навлегува во шума, каде што е сместена и самата црква. До црквата се наоѓа чешма, која постојано тече, без разлика на годишното време. Водата од чешмата се верува дека лекува заболувања од очите.[1]
Историја
Црквата е изградена на 26 јули 1908 година од страна на Јосиф Аврамов Куноски, што може да се прочита од ктиторскиот натпис над влезот на црквата. Според раскажувања на жителите во селото, црквата е изградена откако го сонил сонот, во кој му се претскажало дека покрај лековитата вода треба да изгради црква.[1]
Црквата била целосно обновена во 2004 година. Била зајакната со ископување на помошни темели со нови тротоари, а добила и нов покрив. Во текот на обновата била обновена и самата чешма пред црквата.[1]
Remove ads
Галерија
Внатрешноста на црквата
Внатрешноста на црквата
Ктиторскиот натпис над црквата
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads