Црква „Успение на Пресвета Богородица“ - Лагор

Успение на Пресвета Богородица (грчки: Κοιμήσεως της Θεοτόκου) — црква кај некогашното село Лагор, Костурско, Егејска Македонија. Влегува во состав на Костурската епархија на Цариградската патријаршија.^[1]

Успение на Пресвета Богородица
Κοιμήσεως της Θεοτόκου
40°25′37.1″N 21°18′8.5″E
Место	Лагор, Костурско
Земја	Егејска Македонија, Грција
Вероисповед	Цариградска патријаршија
Архитектура
Завршена	1860
Управа
Архијерејско намесништво	Костурско
Епархија	Костурска

Селото е возобновено од крајот од XVIII до почетокот на XIX век од влашки овчари дојдени од уништеното Москополе.^[1] Црквата е изградена во 1860 г. година врз урнатините на постар храм.^[2] Храмот е релативно мал и има три преносливи икони од XVII и XVIII век, веројатно донесени од Москополе. Зачувани се и оригиналниот обичен иконостас и неколку икони од 1853 г., неколку фрески 1875 г. Има и две-три мали икони, дело на народни зографи од средината на XIX век, меѓу кои и имитација на ватопедската икона „Света Богородица Утешителка“.^[1]

• Икони од храмот
• 
  „Исус Христос“, XVII век
• 
  „Пресв. Богородица Патеводителка“, XVIII век
• 
  „Пресв. Богородица Утешителка“, XIX век

Поврзано

• Костурска епархија