Шампињон

Шампињон ( Agaricus bisporus ) е вид на печурка, висококвалитетна јадлива габа, див предок и еквивалент на култивираните шампињони. ^[1] Може да расте во голем број и најчесто се наоѓа на отпадно земјиште, на ѓубришта и се нарекува и крањоли. ^[2] Се одгледува во повеќе од 70 земји.

Шампињон

Живеалиште и сезона на растење

Расте на ѓубришта, покрај патишта, понекогаш во жива ограда и на мали плантажи, но многу ретко во трева. Шампињоните растат од почеток до крај на летото.

Идентификација

Капачето е со дијаметар од 5-10 cm, има форма на копче и е речиси рамно пред да се отвори. На површината има фини лушпички. Бојата варира од белузлава до кафена. Стеблото е долго 3-5 см, бело по боја, со изразен прстен под капачето. Ливчињата се розови и потемнуваат со стареење. Месото е бело, станува црвеникаво со текот на времето и има изразен мирис на печурка. Отпечатокот на спори е кафеав. ^[2]

Едно од најважните правила при берење печурки е да не се берат млади, недоволно развиени примероци, бидејќи тие не можат со сигурност да се одредат. На пример, неразвиениот шампињон и печурката сончарка во таа фаза може да се помешаат со една од најотровните печурки во светот - зелената пупавка (Amanita phalloides). ^[3]

Употреба во храната

Шампињон е печурка за јадење, висококвалитетна, многу вкусна и со пријатен мирис на печурки.

Складирање

Шампињон е мала печурка и добро се суши, цела или исечена на парчиња.

Подготовка во кулинарство

Бидејќи оваа печурка често расте на ѓубришта или на груба почва, перд употреба најдобро е темелно да се исчисти капачето со отсекување на основата на стеблото и преполовување. ^[2]

Отровни видови кои може да се помешаат со шампињони

• Зелена пупавка
• Agaricus xanthodermus