Штернберг

Штернберг (германски: Sternberg) — град во округот Лудвигслуст-Пархим, во сојузната покраина Мекленбург-Западна Померанија, Германија. Градот претставува административно седиште на општинската заедница Штернбершка Езерска Област.

Штернберг
Градското собрание во Штернберг Градското собрание во Штернберг
Штернберг
Управа
Земја	Германија
Покраина	Мекленбург-Западна Померанија
Округ	Лудвигслуст-Пархим
Месна заед.	Штернбершка Езерска Област
Градоначалник	Јохен Квант
Основни податоци
Површина	67,67 км2
Надм. височина	40 м
Население	4.023 (31 декември 2022)[1]
- Густина	59 жит/км2
Други информации
Часовен појас	CET/CEST (UTC+1/+2)
Рег. табл.	PCH
Пошт. бр.	19406
Повик. бр.	03847
Портал	www.stadt-sternberg.de/
Местоположба на градот Штернберг во рамките на округот Лудвигслуст-Пархим
Карта
Координати	53°42′N 11°49′E

Географија

Градот се наоѓа југозападно од Росток, југоисточно од Висмар и североисточно од Шверин. Се наоѓа близу реката Варнов.

Историја

Градот Штернберг бил основан во текот на Источното населување^[2] од војводата Прибислав I,^[2][3] кој му доделил градски права на градот во 1248.^[3] Во близина на градот се наоѓаат остатоци на три поранешни словенски населби. Една од словенските населби е ископана и обновена и служи како отворен музеј за словенскиот период.

Власта над Штернберг била пренесена од Прибислав на принцот на Мекленбург по неговото исфрлање во 1255 година. Штернберг станал омилена резиденција на војводата Хајнрих II во 1310 година. Во 1492 година, 27 Евреи биле запалени на Јуденберг откако биле обвинети за оскрвнување на причесната — непостоечко дело користено во еврејските погроми во текот на средновековниот и ренесансниот период во Европа. На 20 јуни 1549 година, реформацијата била воведена во Мекленбург како последица на специјалниот совет во Штернберг. Во 1628 година, во текот на Триесетгодишната војна, Албрехт фон Валенштајн во градот одржал состанок.