Варнов

Варнов (германски: Warnow) — река во сојузната покраина Мекленбург-Западна Померанија во Германија. Се влева во Балтичкото Море близу градот Росток, во неговиот округ Варнеминде. Сливот на Варнов покрива 3.324 км².

За други значења на поимот, погл. Варнов (појаснување).

Варнов

Варнов
Место	Мекленбург-Западна Померанија, Германија
Должина	155,4 км
Извор	Гребин 53°30′59″N 11°51′45″E
Висина на изворот	65 м
Утока	во Варнеминде во Балтичкото Море 54°10′49″N 12°05′35″E
Висина на утоката	Неисправен внос за Maß
Спуст	65 м
Слив	Варнов
Одлив	Балтичко Море
Слив	3.324 км²
Истек со Росток мерило[1]	Рекордно низок:     0 л/с (во обично) Просечен низок:    72 л/с Просечен среден:   12,7 м³/с Просечен висок: 69,6 м³/с Рекордно висок:   104 м³/с (во 1995)
Десни притоки	Милдениц, Небел, Кестербек, Карбек
Леви притоки	Геве, Брилер Бах, Беке
Езера	Барнинско Езеро, Миковско Езеро
Градови	Росток
Паланки	Бицов, Шван

Изворот на Варнов е во Гребин, мало село на 10 километри северно од Пархим, на западниот крај од Мекленбуршката Езерска Област. Тече северно низ Штернберг, Бицов и Шван пред да стигне во Росток.

Во 2003 бил отворен првиот современ тунел со патарина, Варновскиот тунел, кој го поврзува пристаништето во Росток на источниот брег со западниот брег на реката.

Името на реката веројатно потекнува од средновековното словенско племе Варнаби, кои живееле во околината.