Штит-Кентаур

Штит-Кентаур (или Штит-Јужен Крст) — долг спирален крак од гас и прав, еден од главните на Млечниот Пат.

Краците на Млечниот Пат

Кракот е сместен помеѓу помалиот крак Кобилица–Стрелец и поголемиот Персеев Крак. Штит-Кентаур почнува близу средишната пречка како Штитов Крак, а потоа постепено преоѓа во Кентауров Крак.^[1]

Подрачјето кајшто овој крак се поврзува со пречката на галаксијата е богато со ѕвездородни области. Во 2006 г. таму е откриено големото јато RSGC1 кое опфаќа нови ѕвезди, меѓу кои и 14 црвени суперџинови. Во 2007 г. е откриено јатото RSGC2 со околу 50.000 новонастанати ѕвезди, на само неколку стотици светлосни години од RSGC1. Второспоменатото се смета дека е помладо од 20 милиони години и содржи 26 црвени суперџинви — најголемата позната групација на такви ѕвезди.^[2] Други јата на ова подрачје се RSGC3 и Аликанте 8.^[3]

Поврзано

• Галактички диск