Diseases Database

Diseases Database (во превод: база на податоци за болести) претставува мрежно место кое нуди информации за меѓусебните врски на медицински состојби, симптоми, знаци и лекови. Базата на податоци е одржувана од „Medical Object Oriented Software Enterprises Ltd“, мала компанија од Лондон, ОК.^[1]

Diseases Database

Екранска снимка од страницата за градна болка (chest pain) на DiseasesDb
Вид место	Медицинска база на податоци
Достапно на	англиски
Сопственик	„Medical Object Oriented Software Enterprises Ltd“, Лондон
Адреса	http://www.diseasesdatabase.com
Зачленување	Незадолжителна

Мрежното место наведува дека ги нуди медицинските информации за „образование, читање на позадината на работите и општ интерес“ и дека наменетата публика е „лекари, други клинички здравствени работници и студенти на овие професионалци“. Уредникот на мрежното место е Малком Х. Данкан, квалификуван доктор по медицина од Обединетото Кралство.^[1]

Организација

Базата на податоци е основана од збир на концепти поврзани со човековата медицина. Во овие концепти се вклучени болести, лекови, симптоми, физички знаци и абнормални лабораториски резултати. Тие се нарекуваат „предмети“ (англиски: items). Постојат околу 8.400 предмети во базата на податоци.^[2]