Вилдпретова волчја опашка

Вилдпретова волчја опашка (науч. Echium wildpretii) — двегодишно растение кое достигнува до 3 м во височина. Видот е ендемски на островот Тенерифе, и вирее главно во клисурите на планината Теиде. Растението се нарекува и кула од драги камења, црвена волчја опашка, тенерифска волчја опашка или теидска волчја опашка.^[1] На шпански растението се нарекува „тахинасте“ (tajinaste).

Вилдпретова волчја опашка
Вилдпретова волчја опашка на островот Тенерифе
Научна класификација
Царство:	Растенија
Нерангирано:	Скриеносемени
Нерангирано:	Евдикоти
Нерангирано:	Астериди
Ред:	(неназначено)
Семејство:	Лисичинки
Род:	Волчја опашка
Вид:	Вилдпретова волчја опашка
Научен назив
Echium wildpretii H.Pearson ex Hook.f.

Цветови на Вилдпретовата волчја опашка

Распространетост

Растението може да се најде во субалпскиот појас, во клисурите на планината Теиде. Бара многу сонце и вирее во суви и пусти предели, но трпи мраз сè до температура од -15 °C.

Опис

Ова двегодишно растение во првата година дава густа розета од листови, а во втората исправено соцветие со височина од 1-3 м.

Процут

Растението на Тенерифе цути од доцна пролет до раниот период од летото.

Употреба

Растението се одгледува во градините за украс, но не трпи ниски температури. Како и другите волчји опашки, ова растение е ценето во пчеларството бидејќи дава многу нектар и полен.

Поврзано

• Обична волчја опашка — видот што вирее во Македонија