ГНУ

Оваа страница се однесува на софтверскиот проект ГНУ. За дивото животно видете гну.

Логото на ГНУ.

ГНУ е софтверски проект започнат во 1983 од страна на Ричард Сталман^[1][2] со цел да се напише комплетен оперативен систем кој би бил слободен во смисла на слободен софтвер - секој би имал право и можност да умножува, менува и редистрибуира програма под условите на ГНУ Општа Јавна Лиценца. ГНУ проектот го води Фондацијата за слободен софтвер.

ГНУ проектот има развиено голем број на програми, вклучувајќи го и уредувачот Emacs, ГНУ компилатор (GNU Compiler Collection - GCC) и ГНУ дибагер (GNU Debugger - GDB). Елементите на ГНУ системот во комбинација со системското јадро Линукс, кое не е дел од ГНУ проектот но се дистрибуира под ГНУ Општа Јавна Лиценца, сочинува комплетен оперативен систем ГНУ/Линукс.

Симболика

ГНУ е рекурзивна кратенка која се чита GNU is not Unix (Гну не е уникс).^[1][3] Маскотата на ГНУ е африканското животно гну.