INXS

INXS (транскрипција: Инексес) ― поранешна австралискa рок-група, основана под името Farriss Brothers во 1977 година во Сиднеј.^[4][5] Основачки членови биле басистот Гари Гери Бирс, главниот композитор и клавијатурист Ендрју Фарис, тапанарот Џон Фарис, гитаристот Тим Фарис, фронтменот и главен текстописец Мајкл Хаченс и гитаристот и саксофонист Кирк Пенгили.^[6] Хаченс 20 години бил фронтмен на INXS, чие извонредно владеење со сцената го направило најистакната фигура од групата.^[4][6] На почетокот групата била позната по новобранова/поп-музика, а подоцна почнала да снима потврд паб-рок-музика со примеси на фанк и денс елементи.^[4]

INXS
INXS на настап во 2012
Животописни податоци
Познат(а) и како	The Farriss Brothers
Потекло	Сиднеј, Австралија
Жанрови	Нов бран паб-рок денс-рок[1] фанк-рок[2] алтернативен рок[3]
Период на активност	1977–2012
Издавачи	Atlantic Epic 101 Distribution Mercury DeLuxe WEA Eastwest Polydor Atco Petrol Electric Truism
Мреж. место	inxs.com

Во 1984 година, со песната „Original Sin“ INXS за прв пат се искачиле на прво место на топ-листата во Австралија. Групата стекнала светска слава кон средината на 1980-тите која успеале да ја задржат и во 1990-тите, а особено успешни биле албумите Listen Like Thieves, Kick и X, и сингловите „What You Need“, „Need You Tonight“, „Devil Inside“, „Never Tear Us Apart“, „Suicide Blonde“ и „New Sensation“.^{[7][8][9][10]}

По смртта на Хаченс на 22 ноември 1997 година, INXS настапувале со неколку гости-пејачи, а на турнеите и на новите песни почнувајќи од 2000 година главен пејач бил Џон Стивенс.^[5] Во 2005 година, членовите на INXS учествувале во Rock Star: INXS, реална ТВ-серија која кулминирала со изборот на канадскиот пејач Џеј Ди Форчун за нивен нов пејач.^[11] Ирскиот кантавтор Сиаран Грибин го заменил Форчун како главен пејач во 2011 година. На концертот орджан на 11 ноември 2012 година, INXS навеле дека тоа ќе биде нивен последен концерт, но не најавиле трајно повлекување на групата од музичката сцена.

INXS освоиле шест награди од Австралиското здружение на музички сниматели (ARIA), меѓу кои и три награди за „Најдобра група“, во 1987, 1989 и 1992 година;^[12] групата била примена во Куќата на славните на ARIA во 2001 година.^{[13] [14]} INXS продале преку 50 милиони албуми со што се едни од најпродаваните музички изведувачи од Австралија на сите времиња.^{[15] [16]}

Членови на групата

 

Основачки членови Тим Фарис – главна гитара (1977–2012) Кирк Пенгили – ритам и главна гитара, саксофони, придружни вокали (1977–2012) Гари Гери Бирс – бас гитара, придружен вокал (1977–2012) Ендрју Фарис – клавијатури, ритам гитара, хармоника, перкусии, придружен вокал (1977–2012) Џон Фарис – тапани, перкусии, придружни вокали (1977–2012) Мајкл Хаченс – водечки и придружни вокали (1977–1997; неговата смрт) Други членови Џон Стивенс – главен вокал (2000–2003) JD Fortune – водечки вокал (2005–2011) Сиаран Грибин – водечки вокал, ритам и главна гитара (2011–2012)

Дискографија

• INXS (1980)
• Underneath the Colours (1981)
• Shabooh Shoobah (1982)
• The Swing (1984)
• Listen Like Thieves (1985)
• Kick (1987)
• X (1990)
• Welcome to Wherever You Are (1992)
• Full Moon, Dirty Hearts (1993)
• Elegantly Wasted (1997)
• Switch (2005)
• Original Sin (2010)

Оставштина

INXS биле наведени како инспирација за неколку изведувачи, како што се: The 1975,^[17] Maroon 5^[18] и Savage Garden.^[19]