Kodansha

Коданша (јапонски: 株式会社講談社) — најголемото јапонско издателство за книжевност и манга. Седиштето на компанијата се наоѓа во Бункјо, Токио. Kodansha објавува како списанија со манги како Nakayoshi, Afternoon, Weekly Shonen Magazine, Monthly Shonen Magazine, Monthly Shonen Magazine Special, Seasonal Shonen Magazine Wonder, така и претежно книжевни списанија Gunzo, Gendai и Weekly Gendai, како и речник на јапонски јазик, Nihongo Daijiten.

Kodansha Ltd.

Логото се користи од 2021 г.
Седиште во Бункјо, Токио
Матично име	株式会社講談社
Транскрибирано име	Kabushiki gaisha Kōdansha
Порано	Dainippon Yubenkai-Kodansha (1911 — 1958)
Вид	семејна сопственост, приватна компанија, KK
ISIN	JP3288600004
Дејност	издаваштво, музика
Основано	1911 г. (како Dai Nippon Yūbenkai) 1 декември 1931 г. (како Kodansha Ltd.)
Основач	Сеиџи Нома
Седиште	Бункјо, Токио , Јапонија
Опслужувани подрачја	светски
Клучни личности	Јошинобу Нома[1] (претседател и извршен директор)
Производи	книги, лесни романи, списанија, манга, стрипови, CD-ња и DVD-ја (преку King Records)
Сопственик	семејство Нома (културна фондација Нома 39,2 %)
Вработени	914 (од септември 2013)
Подружници	King Record Co., Ltd. Kobunsha Co., Ltd. Kodansha USA Ichijinsha Wani Books
Мреж. место	kodansha.co.jp

Според претставник на издателството Kodansha, меѓу нивните проекти, мангата е најпопуларна на светското трговиште (45 %), потоа анимацијата и другите медиумски производи (35 %), а преостанатото место им е дадено на книгите и списанијата (20 %).^[2]

Историја

Во 1910 г., Сеиџи Нома ја основал Kodansha како огранок на Dai-Nippon Yūbenkai (буквално: „Големо јапонско ораторско друштво“) и го вовел своето прво книжевно списание, Yuben.^[3] Името Kodansha, изведено од Kodan Club (講談倶楽部), списание што претходно го издавала компанијата, било официјално усвоено во 1911 г. кога Kodansha формално се споила со Dai-Nippon Yūbenkai. Од 1958 г., компанијата е позната по нејзиното сегашно правно име и гордо го поддржува мотото „omoshirokute, tame ni naru“ (面白くて、ためになる), што во превод значи: „Да биде интересно и корисно“.

Kodansha Limited управува со Otowa Group, која вклучува подружници како King Records (официјално позната како King Record Co., Ltd.) и Kobunsha, и го објавува дневниот таблоид Nikkan Gendai. Компанијата, исто така, одржува силно соучесништво со Disney, служејќи како официјален спонзор на Tokyo Disneyland.