Галичички расковник

Галичички расковник или Охридски расковник (науч. Laserpitium ochridanum)^[1] — локален македонски растителен ендемит кој може да се најде само на планината Галичица.^[2] Во националниот парк Галичица овој расковник има висок приоритет на мониторинг.^[3]

Галичички расковник Охридски расковник Laserpitium ochridanum
Научна класификација
Царство:	Растенија
Нерангирано:	Скриеносеменици
Нерангирано:	Евдикоти
Нерангирано:	Астериди
Ред:	Штитовидни
Семејство:	Штитоцветни
Род:	Расковници
Вид:	L. ochridanum
Научен назив
Laserpitium ochridanum Micevski

Опис

Стеблото исправено, мазно.

Листови

Листовите му се со ракавци, голи, разделени, сегментите просто или двојно пересто насечени. Ливчињата ланцетни, заострени.

Цвет

Цветовите му се бели, формираат чадорчиња со (14-)16-25 зраци, во основата со 6-3(-10)листови на инволуирумот, многу пократки од чадорчето . Инволуцелумот од 5-8 ливчиња.

Плод

Плодовите му се мазни, голи, 9-11 mm долги со крилца широки 1,5mm.^[4]

Екологија

По варовнички камењари субаппскиот појас.^[5]

Распространување

Локален ендемит:

• Галичица: Стара Галичица (leg.K.Micevski) (MKNH);
• Галичица: на вировнички каменар, 1770-1900m (leg.K.Micevski) (MKNH);
• Галичица:Стара Галичица на варовнички камењар, 1900-1920m (leg.K.Micevski) (MKHN);
• Галичица: Казан, на варовнички камењар. (leg.K.Micevski) (MKHN); ^[6]