Unreal Engine

Unreal Engine (се чита: Анрил енџин) — играчки погон развиен од Epic Games. За првпат бил прикажан во 1998 г. во играта Unreal. Иако првенствено бил развиен за пукачките игри од прво лице, успешно се користи во голем број игри од различни жанрови како што се потајни, MMORPG и игри со улоги. Софтверскиот код на Unreal Engine е напишан на јазикот C++, што му дава висок степен на преносливост. Денес го користат многу играчки развивачи.^[1]

Трговската марка на Unreal Engine

Тековната верзија е Unreal Engine 4, дизајнирана за технологијата DirectX 11 и 12 на Microsoft (за Microsoft Windows, Xbox One и Windows RT); OpenGL (за OS X, Linux, PlayStation 4, iOS, андроид, Ouya и Windows XP); и JavaScript/WebGL (за веб-прелистувачи што поддржуваат HTML5).^[2][3]