Знаме на Северна Ирска

Знаме на Северна Ирска — обележје на Северна Ирска кое нема службен статус со распуштањето на самоуправното законодавство, кое го отповикало во 1972 и укинало во 1973 г.^[1] Дотогаш како национално знаме се користел Алстерскиот бајрак, а денес во службени пригоди, британската влада го корирсти сојузното знаме (знамето на Велика Британија и Северна Ирска), а истото е единственото службено знаме на владата на Северна Ирска.^[2] Британската влада сепак понекогаш го истакнува Крстот на Свети Патрик заедно со другите земји од Обединетото Кралство во неслужбено својство.

Крстот на Свети Патрик

Сојузното знаме на Обединетото Кралство, на кое Северна Ирска е претставена со Крстот на Свети Патрик (во потенка варијанта).

Алстерскиот бајрак — знаме на Владата на Северна Ирска од 1953 до 1972 г.

Унионистите и натаму го користат Алстерскиот бајрак, и истото важи за спортски клубови и местата со кои владеат на месно ниво.^[3]

Крстот на Свети Патрик и Алстерскиот бајрак сепак не смеат да се веат на управни згради во Северна Ирска.^[4]

Крст на Свети Патрик

Главна статија: Крст на Свети Патрик

Крстот на Свети Патрик е црвен Андреин крст на бело поле кој се користи од 1783 г. во значката на Ордент на Свети Патрик. Со припојувањето на Ирска кон Британија во 1800 г., крстот е придодаден кон знамето на Велика Британија.

Поврзано

• Грб на Северна Ирска
• Крст на Свети Патрик
• Алстерски бајрак