Клодет Колбер

Клодет Колбер^[1] родена како Емили „Лили“ Клодет Шошуан; 13 септември 1903 – 30 јули 1996)^[1][2] била американска глумица. Колбер ја започнала својата кариера во бродвејски продукции кон крајот на 1920-тите и напредувала кон филмови со појавата на звучните филмови. Колбер станала една од ретките големи актерки од тој период кои работеле хонорарно; односно, независно од студискиот систем. Во 1999 година, Американскиот филмски институт ја прогласил Колбер за 12-та најголема женска ѕвезда на холивудската кинематографија.

Клодет Колбер
Колбер во 1932 г.
Роден(а)	Емили Клодет Шошуан септември 13, 1903(1903-09-13) Сан Манд, Франција
Починал(а)	јули 30, 1996(1996-07-30) (возр. 92) Спејтстаун, Барбадос
Занимање	глумица
Активен период	1924–1987
Познат(а) по	Се случи една ноќ Клеопатра (1934) Приказната за Палм Бич Откако замина
Сопружник	Норман Фостер (в. 1928; раз. 1935) Џоел Пресман (в. 1935; died 1968)
Награди	See below

Со нејзиниот средноатлантски акцент, разноврсност, духовити дијалози, аристократско однесување и талент^[3] за лесна комедија и емотивна драма, Колбер станала една од популарните ѕвезди на 1930-тите и 1940-тите.^[2][1] Вкупно, Колбер глумела во повеќе од 60 филмови.

Колбер ја освоила наградата Оскар за најдобра глумица за филмот „Се случи една ноќ“ (1934), а во текот на нејзината кариера добила и две други номинации за Оскар. Нејзините други значајни филмови се Клеопатра (1934), Приказната за Палм Бич (1942) и Откако си замина (1944).

До средината на 1950-тите, Колбер се префрлила од филмови на телевизија и сценска работа; таа добила номинација за наградата Тони за Брачна вртелешка во 1959 година. Нејзината кариера почнала да опаѓа во раните 1960-ти. Кон крајот на 1970-тите, таа доживеала враќање во театарот и ја добила наградата „Сара Сидонс“ за нејзината работа во театарот во Чикаго во 1980 година. Нејзиното телевизиско појавување во Двете Госпоѓи Гренвил (1987) ѝ донело награда „Златен глобус“ и номинација за наградата Еми.

Награди и почести

година	награда	категорија	филм	резултат
1935	Оскар	Најдобра глумица	Се случи една ноќ	Победник	[4]
1936			Лични светови	Номинација	[5]
1945			Откако си замина	Номинација	[6]
1959	Tони (награда)	Најдобра глумица	Брачна вртелешка	Номинација	[се бара извор]
1960	Холивудска патека на славните	Ѕвезда	—	Inducted	[7]
1980	Награда Сара Сидонс		Кингфишер	Победник	[8]
1984	Филмско друштво на Линколн центар	Награда за животно дело	—	Победник	[9]
1985	Драма деск	Драма деск Специјална награда	Зарем не сме сите	Победник
1987	Прајмтајм Еми	Награда за најдобра глумица во споредна улога	Двете Госпоѓи Гринвилс	Номинација	[се бара извор]
1988	Награда Златен Глобус	Награда за најдобра глумица во споредна улога		Победник	[се бара извор]
1989	Кенеди центар	Награда за животно дело	—	Победник	[10]
1990	Сан Себастијан Интернационален Филмски Фестивал	Доностиа Награда	—	Победник	[11]
1999	Американски филмски институт	АФИ 100 ѕвезди	—	12th	[12]

Поврзано

• Список на актери со номинации за Оскар