Мериибре Кети

Мериибре Кети, исто така познат по неговото Хорово име Мериибтави, бил фараон од 9-та или 10-тата династија на Египет, за време на Првиот среден период..

Мериибре Кети
Мериибре, Мериибре и Кети, Актои, Актоес; Мериибтави
Бакарен сад со кралската титула на Мериибре Кети. Париз, Лувр.
Фараон на Египет
Владеел	околу 2160 п.н.е. – ?, 9-та династија (mainstream); 10-та династија (Фон Бекерат)
Претходник	Фараон од Осмата династија
Наследник	Неферкаре (не директно)
Владетелски звања Предиме: Мериибре mr.j-j-jb-rˁ Сакан од срцето на Ра Име: Кети ẖtj(j) Хорово име: Мериибтави mr.j-j-jb-t3.wj Сакан од срцето на Двете земји Небтиско име: Мериибтави mr.j-j-jb-t3.wj Сакан од срцето на Двете земји Златен Хор: Мери..? mr.j..? ?

Владеење

Цртеж на стапче од абонос со титулите на Мериибре Кети.

Некои научници^[1][2][3] веруваат дека Мериибре Кети бил основач на 9-та династија, хераклеополски номарх кој собрал доволно авторитет за да се прогласи за легитимен наследник на 6-та династија на фараоните. Се чини дека Мериибре владеел со соседните номарси со железна тупаница, и најверојатно поради тоа во подоцнежните времиња овој владетел е споменат од Манетон како злогласниот Актоес, зол цар, кој полудел, а потоа бил убиен од крокодил.

Алтернативно, други египтолози како Јирген фон Бекерат^[4] наместо тоа веруваат дека Мериибре владеел кон крајот на 10-та династија, непосредно пред кралот Мерикаре.

Заради спротивставените мислења на научниците, владеењето на Мериибре е тешко да се датира со сигурност; ако тој навистина бил основач на 9-та династија, неговото владеење требало да започне конвенционално околу 2160 година п.н.е.,^[5] додека во вториот случај неговото владеење требало да започне околу еден век подоцна.

Потврди

Бидејќи неговото име не се споменува во Кралскиот список од Торино, овој владетел е познат само по неколку предмети: еден вид бакарен мангал или корпа од гробница во близина на Абидос (пронајден заедно со палета која го носи името на царот Merikare), сега изложен во музејот Лувр; на стапче од абонос од Меир сега во Музејот во Каиро (JE 42835), на фрагмент од ковчеже од слонова коска од Лишт, и некои други ситни наоди.^[2] Благодарение на овие неколку споменици, кралската титула на Мериибре е најцелосна меѓу познатите фараони од овој период.