Обединета македонска дијаспора

Обединета македонска дијаспора или ОМД (англ. United Macedonian Diaspora, UMD) — меѓународна организација основана во 2004 со седиште во Вашингтон, САД чија главна цел се интересите и потребите на македонските заедници ширум светот. ОМД има претставништва на македонските заедници ширум светот, поточно во Брисел, Канбера, Лондон, Мелбурн, Њујорк, Париз, Штутгарт, Сиднеј и Торонто. ОМД е непрофитна организација, даночно ослободена по законот 501(c)(3).

Обединета македонска дијаспора United Macedonian Diaspora
Основачи	Методија Колоски (прв претседател)
Тип	Човекови права, политичка, културна
Основана	2004
Седиште	1101 Pennsylvania Ave NW Washington, DC 20004 United States
Кадар	Претседател Управен одбор, Централен комитет
Опслужувано подрачје	САД  Канада Австралија  Обединето Кралство  Белгија  Германија  Франција  Австрија  Украина  Русија
Задршка	„Да го негува на единството помеѓу Македонците, и да ја шири нивната кауза“
Членови	Н/П
Мото	„Обединети можеме!“ United, We Can!
Мреж. место	umdiaspora.org

Цели

Обединетата македонска дијаспора изјавува дека нејзината главна цел е „да го негува на единството помеѓу Македонците, и да ја шири нивната кауза“.^[1] ОМД ја застапува Македонија и Македонците низ светот. Организацијата ја промовира Македонија, го претставува и запазува историското, духовно и културно богатство на Македонија и Македонците. ОМД ги постигнува овие цели со застапништво, добротворна работа и разни образовни програми.

Управен одбор

Тековниот состав на Управниот одбор на ОМД е следниов:

• Методија Колоски, претседател
• Александар Митрески, заменик-претседател
• Мајкл Сарафин, секретар
• Денис Маневски, благајник
• Ордан Андреевски, директор на огранокот во Австралија
• Џим Дајкос, директор на огранокот во Канада
• Бобан Јовановски
• Стојан Николов
• Алекдандра Трпковска
• Игор Звездаковски

Издавачка дејност

ОМД го издава списанието UMD Voice четири пати годишно. Списанието ги информира членовите тековните настани во врска со Македонија и Македонците како и збиднувањата во организација и иницијатива на ОМД. Најновиот број на списанието можете да го добиете бесплатно тука^{[мртва врска]}. Уредник на UMD Voice е Марк Бранов.