Светла недела

Светла недела или Велигденска недела — седмицата по Велигден.^[1] Во Православната црква, во текот на оваа недела, се служи света литургија секој ден, како и на Велигден.

Руска православна икона од Исусовото воскресение, 16 век.

Петок од оваа недела е посветен на Богородица, а се нарекува и Источен петок.

Светлата недела завршува со неделата Антипасха. Во текот на оваа недела, царските двери во храмот се отворени цело време, до Светла сабота.

Во оваа седмица не се пости во среда и петок. Од светлата седмица започнува Педесетница - раздобје од педесет дена од Велигден до Духовден.