Соматотропин

Соматотропинот (STH) или хормонот за раст (GH) е карактеристичен хормон со општо дејствување. Се продуцира од хипофизата и дејствува на најголемиот дел од телесните ткива, во кои стимулира синтеза на белковини, неопходни за растењето. Дејството на соматотропинот е особено изразено во периодот на детството и адолесценцијата до околу 24 годишна возраст, во кој се одвива интензивно растење на коските. Соматотропниот хормон исто така дејствува и врз вкупниот метаболизам (белковински, јаглехидратен и липиден).^[1]

Хормон за раст 1 (питуитарен)
Хормон за раст
Назнаки
Симбол	GH1
NCBI	2688
HGNC	4261
OMIM	139250
RefSeq	NM_022562
UniProt	P01241
Други податоци
Локус	Хром. 17 q22-q24
Пребарување Структури Swiss-model Домени InterPro

При хипофункција на хипофизата доаѓа до намалено лачење на хормонот за растење, што кај децата се предизвикува џуџест раст. При хиперфункција на хипофизата доаѓа до зголемено лачење на хормонот за растење. Кај децата тоа резултира со појава на хипофизарен гигантизам, а кај возрасните се јавува акромегалија.