Телевизиска мрежа (филм)

Телевизиска мрежа — филм од 1976 за фиктивна телевизиска мрежа, „Јунион бродкастинг систем“ (UBS), и нејзината борба со ниските рејтинзи. Филмот е напишан од Педи Чаефски а режиран од Сидни Ламет. Во филмот играат познати ѕвезди како Феј Данавеј, Вилијам Холден, Питер Финч, Роберт Дивал, Весли Ади, Нед Бити и Беатрис Стрејт. Филмот освоил 4 оскари, вклучувајќи Оскар за најдобар глумец, Оскар за најдобра глумица, Оскар за најдобар спореден глумец и Оскар за најдобро оригинално сценарио.

„Телевизиска мрежа“
филмски постер
Режисер	Сидни Ламет
Продуцент	Хауард Готфрид
Сценарист	Педи Чаефски
Главни улоги	Феј Данавеј Волијам Холден Питер Финч Роберт Дивал Нед Бити Беатрис Стрејт
Музика	Елиот Лоренс
Кинематографија	Оувен Ројцман
Монтажа	Алан Хејм
Дистрибутер	САД: MGM (кино), Warner Bros. (преку Turner Entertainment) (DVD) надвор од САД: United Artists (кино), MGM (DVD)
Премиера	27 ноември, 1976
Времетраење	121 мин.
Јазик	англиски
Буџет	$ 3,800,000

Телевизиска мрежа продолжува да добива признанија, декади после првото прикажување.

Заплет

Приказната започнува со долгогодишниот главен водител на „Вечерните ЈуБиЕс вести“, кому му остануваат уште две недели во етерот, кој во живо најавува дека на следните вести ќе изврши самоубиство.^[1]

ЈуБиЕс веднаш го отпуштаат после инцидентот, но на иницијатива на продуцентите за последен пат го пуштаат во живо за достоинствено да се поздрави со публиката. Напротив, тој ја користи емисијата за да се жали колку животот му е „срање“. Иако има сериозни реперкусии после овој настап, рејтингот на телевизијата неочекувано пораснува, а водителот останува на работа.