Тимјаничка Река
река во Македонија From Wikipedia, the free encyclopedia
Remove ads
Тимјаничка Река или Неготинска Река[2] — река која поминува низ градот Неготино, во средишниот дел на Македонија. Реката во текот на нејзиното течение низ градот Неготино е во целост уредена со посебен бетонски кеј, со што градот е заштитен од поплава, бидејќи самата река е спуштена под нивото на самиот град, а бетонските прегради се високи и до два метри. Реката во Неготино поминува низ самиот негов центар, покрај единствената градска црква, градскиот плоштад и главниот булевар.
Изворот на реката се наоѓа во близина на селото Тимјаник, соседно село на градот Неготино, по кое и самата река е првично наречена.
Remove ads
Уреденост
Реката има уредено бетонско корито кога влегува во градот Неготино, а во самиот дел на градот во одредени делови, како кај градскиот плоштад, реката е спуштена и покриена со бетон и одозгора.
Испуштање на фекалните и отпадните води од целиот град се врши во Неготинска Река без никакво прочистување.[3]
Воедно, голем проблем за самата река и нејзиниот тек низ градот е неколкудневниот септемвриски панаѓур, кој се одржува традиционално во Неготино, а по кој најчесто коритото на реката е преполно со ѓубре и смет од најразличен вид.[4]
Remove ads
Поплава
Реката во 1995 година предизвикала поројна поплава. Поплавата во краткиот период оставила огромни материјални штети, но поминала без човечки жртви. Покрај реката има широк појас без куќи, па така водата која течела надвор од коритото на реката имала слободен простор на движење.[5]
Поплавата во центарот на Неготино се случила по излевање на реката од градското корито, по олујното невреме во кое за кратко време наврнале 175 мм врнежи.[1]
Remove ads
Галерија
Тимјаничка Река на влезот на Неготино
Реката на влезот на Неготино
Реката во близина на градскиот плоштад во Неготино
Реката во близина на центарот на Неготино
Тимјаничка Река во центарот на Неготино
Наводи
Надворешни врски
Wikiwand - on
Seamless Wikipedia browsing. On steroids.
Remove ads