Штерн–Герлахов експеримент

Штерн-Герлаховиот експеримент покажал дека просторната ориентација на моментот на импулс е квантувана. Така, се покажало дека атомскиот систем има вродени квантни својства. Во првобитниот експеримент, атомите на сребро биле испраќани преку просторно променливо магнетно поле, што ги пренасочиле пред да го погодат екранот на детекторот, како што е лизгачко стакло. Честичките со различен од нула магнетен момент се оттргнуваат од правата патека, заради градиентот на магнетното поле. Екранот открива дискретни точки на акумулација, наместо континуирана дистрибуција,^[1] благодарение на нивниот квантуван спин. Историски гледано, овој експеримент бил пресуден во убедувањето на физичарите за реалноста на квантувањето на моментот на импулс во сите размерни атомски системи.^[2][3]

Штерн-Герлахов експеримент: Атомите од сребро кои патуваат низ нехомогено магнетно поле и се пренасочуваат нагоре или надолу во зависност од нивниот спин; (1) печка, (2) зрак од атоми на сребро, (3) нехомогено магнетно поле, (4) класично очекуван резултат, (5) набљудуван резултат

По неговото создавње од страна на Ото Штерн во 1921 година, експериментот за првпат успешно го спровел Волтер Герлах во почетокот на 1922 година.^[1][4][5]