![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/56/Japanese_soldiers_taking_an_offensive_posture_on_the_Mukden_Little_West_Gate.jpg/640px-Japanese_soldiers_taking_an_offensive_posture_on_the_Mukden_Little_West_Gate.jpg&w=640&q=50)
Јапонска инвазија на Манџурија
From Wikipedia, the free encyclopedia
Јапонска инвазија на Манџурија ― напад и окупација на Манџурија на 18 септември 1931 година од страна на трупите на јапонската Квантуншка армија. По завршувањето на војната во февруари 1932 година, јапонците основале нова марионетска држава Манџукуо и ја возобновиле манџуриската династија Ќинг. Окупацијата на Манџурија траела до средината на август 1945 година, кога Советскиот Сојуз и Монголија по Манџуриската стратешка офанзивна операција, при крајот на Втората светска војна ја осовоиле територијата.
![Thumb image](http://upload.wikimedia.org/wikipedia/commons/thumb/5/56/Japanese_soldiers_taking_an_offensive_posture_on_the_Mukden_Little_West_Gate.jpg/320px-Japanese_soldiers_taking_an_offensive_posture_on_the_Mukden_Little_West_Gate.jpg)
Јужноманџуриската железничка зона и Корејскиот Полуостров биле под јапонска контрола уште од Руско-јапонската војна од 1904-1905 година. Индустријализацијата и милитаризацијата на Јапонија било причина таа да станува сѐ позависна од увозот на нафта и метал од САД. [1] Американските санкции со кои била спречена трговијата со САД (кои во исто време ги окупирале Филипините), биле причина Јапонија својата експанзија да ја продолжи на територијата на Кина и на Југоисточна Азија.[2] Инвазијата на Манџурија, или инцидентот на мостот Марко Поло на 7 јули 1937 година, понекогаш се наведуваат како алтернативни датуми за почеток на Втората светска војна, за разлика од почесто прифатениот датум од 1 септември 1939 година. [3]
Јапонската инвазија на Манџурија го привлекла вниманието на меѓународната јавност. Друштвото на народите ја формирало Литонската комисијата (на чело со британскиот политичар Виктор Булвер-Литон) за да даде оценка за состојбата, по што во октомври 1932 година организацијата го доставила својот заклучок. Било препорачано да не се признава јапонската марионетска држава Манџукуо и Манџурија да се врати под кинески суверенитет. Ова ја поттикнало јапонската влада целосно да се повлече од Друштвото.
![Thumb image](http://upload.wikimedia.org/wikipedia/commons/thumb/c/c1/Manchukuo_map_1939.svg/320px-Manchukuo_map_1939.svg.png)