Алтиплано

Алтиплано (шпански: Altiplano) е географска област во западниот дел на Јужна Америка. Алтиплано преведено од шпански значи „висока висорамнина“. Висорамнината се наоѓа на Андите и таа претставува најголема висорамнина по Тибет. Езерото Титикака е најпозната географска одлика на регионот.

Местоположба на Алтиплано во Јужна Америка.

Пуно, Перу.

Вулкани во Националниот парк Сахама.

Местоположба

Алтиплано се наоѓа во централните предели на Андите и зазема делови од северни Чиле и Аргентина, запада Боливија и јужно Перу. Просечната висина на висорамнината е 3.750 метри надморска висина^[1], нешто помалку од таа на Тибет. За разлика од Тибет, во Алтиплано доминантни се масивните активни вулкани како што се Ампато (6288 м), Тутупака (5816 м), Паринакота (6348 м), Гвалјатири (6071 м), Серо Парома (5728 м), Утурунку (6008 м) и Ликанкабур (5916 м), како и Илјампу (6368 м), Уајна Потоси (6088 м), Анкоума (6427 м) и Илјамани (6438 м) во Кордиљера Реал.^[2] Југозападно од Алтиплано се наоѓа Атакама, а југоисточно Гран Чако и источно Амазонија.

Панотама на Алтиплано во Перу.

Заедници

На Алтиплано традиционално живеат Кечуаните, Уросите и Ајмарите, но и останати помали американски староседелски народи. Во минатото во регионот живееле, меѓу другите, и Инките.

Наводи

1. „The Use of Solar Energy for Improving the Living Conditions in Altiplano/Argentina“ (PDF). Архивирано од изворникот (PDF) на 2011-07-19. Посетено на 2012-05-03.
2. „Andes map“. Архивирано од изворникот на 2010-09-24. Посетено на 2012-05-03.

Поврзано

• Портал: Аргентина
• Портал: Боливија
• Портал: Перу
• Портал: Чиле

• Јужна Америка
• Географија на Боливија
• Географија на Јужна Америка

Надворешни врски

„Алтиплано“ на Ризницата ?

• Извори на вода во чилеанскиот дел на Алтиплано Архивирано на 12 август 2009 г.
• Steinmetz, George (2008). „Altiplano - Where Bolivia meets the sky“. National Geographic Magazine. Архивирано од изворникот на 2008-06-30. Посетено на 2012-05-03.

16.00358° ЈГШ; 69.65332° ЗГД / -16.00358; -69.65332