![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Ariernachweis_13.jpg/640px-Ariernachweis_13.jpg&w=640&q=50)
Ариевско уверение
From Wikipedia, the free encyclopedia
Ариевско уверение (германски: Ariernachweis) — документ кој сведочи дека лицето е припадник на ариевската раса. Почнувајќи од април 1933 г. овој документ станал задолжителен по закон за сите чиновници во јавниот сектор, вклучувајќи ги просветните работници.
![Thumb image](http://upload.wikimedia.org/wikipedia/commons/thumb/9/94/Ariernachweis_13.jpg/640px-Ariernachweis_13.jpg)
![Thumb image](http://upload.wikimedia.org/wikipedia/commons/thumb/9/91/Ahnenpass.jpg/320px-Ahnenpass.jpg)
![Thumb image](http://upload.wikimedia.org/wikipedia/commons/thumb/f/fb/Genealogical_table_for_evidence_of_Aryan_ancestry.jpg/320px-Genealogical_table_for_evidence_of_Aryan_ancestry.jpg)
Постоеле два типа на уверение:
- „Мало ариевско уверение“ (Kleiner Ariernachweis) се добивало со поднесување на едно од следниве три:
- седум изводи од матична книга на родените или крштеници (лицето, неговите родители и баби и дедовци) и три венчаници (од родители и баби и дедовци) или нивни заверени примероци.
- „Родословна исправа“ (Ahnenpass),
- „Родословна табела“ - потврден генеалошки извод (Ahnentafel) или
- „Големо ариевско уверение“ (Großer Ariernachweis) што се барало за оние што поднесувале пријавници согласно Законот за наследство на земја (Reichserbhofgesetz) и за членство во НСДАП. За добивање на документот, барателот требал да го проследи семејното потекло до 1800 г. (до 1750 г. за офицери на СС).
Правната основа на уверението бил ставот 3 (т.н. „ариевски став“) од „Законот за обнова на чиновништвото“ (Gesetz zur Wiederherstellung des Berufsbeamtentums) од 7 април 1933. Првото напатствие за негова примена, објавено на 11 април 1933 г. гласи:[1]
За неариевци се сметаат оние што потекнуваат од неариевски, особено Еврејски, родители или баби и дедовци. Доволно е еден родител или баба/дедо да не Ариевец. Ова особено важи ако еден од родителите или баба/дедо ѝ припаѓал на еврејската вера.[2]