![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Virunga_National_Park_Landscape.jpg/640px-Virunga_National_Park_Landscape.jpg&w=640&q=50)
Вирунга
планински венец во Источна Африка / From Wikipedia, the free encyclopedia
Вирунга (или Муфумбиро[1]) — венец вулкански планини во Источна Африка долж северната граница на Руанда, ДР Конго и Уганда. Венецот е огранок на планините на Албертскиот Срт, кои се граничат со западниот ракав на Источноафриканскиот Расед. Сместени се меѓу езерата Едвардово и Киву. Името е видоизменета англизирана верзија на руандскиот збор ibirunga, што значи „вулкани“.
Вирунга | |
---|---|
![]() Врвот на Микено | |
Највисока точка | |
Врв | Карисимби |
Надм. височина | 4.507 м |
Величина | |
Должина | 80 км [1] |
Географија | |
Земји | ![]() ![]() ![]() |
![Thumb image](http://upload.wikimedia.org/wikipedia/commons/thumb/6/67/Nyiragongo2004.jpg/640px-Nyiragongo2004.jpg)
![Thumb image](http://upload.wikimedia.org/wikipedia/commons/thumb/4/4e/VirungaPeaks2013.png/640px-VirungaPeaks2013.png)
Веригата се состои од осум поголеми вулкани, од кои највеќето се заспани, Исклучок се Њирагонго (3.462 м) и Њамурагира (3.063 м), обете во ДР Конго, со нивните избуви во 2006 и 2010 г. Највисок вулкан е Карисимби со 4.507 м, а најстар е Сабјињо, кој се издига на 3.634 м надморска височина.
Планините се дом на планинската горила, која се води како критично загрозена на Црвениот список на МСЗП поради губиток на живеалиштето, криволовство, болести и војување[2]. Меѓу планините Карисимби и Бисоке е сместен Истражувачкиот центар „Карисоке“, основан од американскиот зоолог Дајан Фоси за изучување на овие животни.