Земја на планините, земја на реките
From Wikipedia, the free encyclopedia
Земја на планините, земја на реките (герм. Land der Berge, Land am Strome) е официјална државна химна на Австрија.
макед. Земја на планините, земја на реките | |
---|---|
Текст и ноти на химната | |
национална химна на Австрија | |
Текст | Паула фон Прерадовиќ |
Музика | Волфганг Амадеус Моцарт |
Усвоена | 1946 г. |
Звучен извадок | |
инструментална верзија | |
Деветнаесет дена пред смртта, на 5 декември 1791 година, Волфганг Амадеус Моцарт го компонирал своето последно комплетно дело “Freimaurerkantate“ (Масонска кантата), К. 623. Кон еден дел од печатеното издание на оваа кантата била додадена и (подоцна многу познатата) "Kettenlied" (Верижна песна), К. 623a, за која се смета дека ја компонирал Јохан Холцер, член на моцартовата масонска ложа. Врз основа на оваа мелодија подоцна е испеана и австриската државна химна, за која стиховите ги напишала Паула фон Прерадовиќ[1], внука на хрватскиот поет Петар Прерадовиќ.
На 22 октомври 1946 година Земја на планините, земја на реките била прогласена за официјална австриска државна химна.