From Wikipedia, the free encyclopedia
Иво Погорелиќ — хрватски пијанист.
Иво Погорелиќ е роден во Белград. Почнал да учи пијано на седумгодишна возраст, а на дванаесетгодишна возраст го продолжил школувањето во Москва. Погорелиќ е познат и по својата богата општествена активност: Во 1986 година основал фондација во Хрватска за помош на младите музичари; во Германија основал музички фестивал за поддршка на младите музичари кои се наоѓаат на почетокот од нивната кариера; а значајна е и неговата хуманитарна активност во соработка со Црвениот крст и со други невладини организации.[1]
Настапувајќи на разни меѓународни натпревари, Погорелиќ добил повеќе признанија и награди, а познат е скандалот за време на неговото учество на меѓународниот натпревар „Шопен“ во Варшава, одржан во 1980 година. Имено, жири-комисијата донела одлука да не му дозволи на Погорелиќ да свири на финалниот концерт поради „премногу слободната интерпретација на авторскиот текст“. Тоа предизвикало бурна реакција на публиката, а реномираната аргентинска пијанистка Марта Аргерич, која била членка на жири-комисијата, во знак на протест го напуштила натпреварот. Овој настан ја зголемил популарноста на Погорелиќ кој во 1980-тите продолжил да ја воодушевува публиката ширум светот, а критиката го нарекувала „еден од најголемите и најконтроверзни пијанисти на своето време“.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.