![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1a/Local_bubble_mk.jpg/640px-Local_bubble_mk.jpg&w=640&q=50)
Месен Меур
From Wikipedia, the free encyclopedia
Месен Меур или Месна Шуплина,[3] — релативна шуплина во меѓуѕвездената средина на Орионовиот Крак во Млечниот Пат. Ги опфаќа најблиските ѕвезди до нас и, меѓу останатото, Месниот Меѓуѕвезден Облак (во кој е Сончевиот Систем), соседниот G-облак, Подвижната група во Голема Мечка (најблиската ѕвездена подвижна група) и Хијадите (најблиското расеано јато). Има пречник од барем 300 светлосни години и се одликува со неутралноводородна густина од 0.05 атоми/см3, околу една десетина од просекот во меѓуѕвездената средина во Млечниот Пат (0,5 атоми/см3) и една шестина од онаа во Месниот Меѓуѕвезден Облак (0,3 атоми/см3).[4]
супермеур | |
---|---|
![]() | |
Податоци од набљудување | |
Оддалеченост | 0 сг (0 пс) |
Физичи особености | |
Полупречник | 150 сг |
Ознаки | Месен Врел Меур, LHB,[1] Месен Меур, Месен Меѓуѕвезден Меур[2] |
Поврзано: Списоци на маглини |
![Thumb image](http://upload.wikimedia.org/wikipedia/commons/thumb/1/1e/Localbubble_mk.png/640px-Localbubble_mk.png)
Исклучително проретчениот гас во Месниот Меур е последица од експлозии на супернови од подвижната група Плејади во изминатите 10-20 милиони години,[5] а меурот е остаточна суперобвивка.[6]