From Wikipedia, the free encyclopedia
Опел (германски: Opel Automobile GmbH) — германски производител на автомобили. Од 1929 до 2017 година, сопственик на Опел било американското претпријатие Џенерал Моторс (General Motors), од 2017 до 2021 година Опел бил во сопственост на Групата ПСА, а од јануари 2021 година, Опел претставува подружница на Стелантис (Stellantis). Од 1980-тите, возилата на Опел се продаваат во Обединетото Кралство под името Воксхол (Vauxhall), а некои модели се произведувале во Австралија под името Холден (до 2020 година). Исто така, некои модели се продават под други имиња, како: Бјуик, Кадилак и Сатурн (во Северна Америка и во Кина) и Шевролет (во Јужна Америка).
Почетоците на Опел се наоѓаат во фабриката за производство на машини за шиење, основана од Адам Опел во 1862 година во Риселхајм на Мајна. Во 1886 година, фабриката почнала да прави велосипеди, а првиот автомобил го произвела во 1899 година. Под водство на Фриц фон Опел, претпријатието ја започнала програмата Опел РАК која е првата ракетна програма во историјата. Како резултат на таа програма, Опел поставил низа светски рекорди за постигната брзина на копно, а во 1928 и во 1929 година биле изведени првите летови на ракетен погон. Откако Опел започнал да котира на берзата во 1929 година, мнозинскиот пакет акции бил откупен од Џенерал Моторс, кој во 1931 станал целосен сопственик на Опел.[1] Во март 2017 година, групата ПСА го купила Опел за 2,3 милијарди долари.[2] И покрај преминувањето во странска сопственост, седиштето на Опел останало во Риселсхајм. Покрај патнички возила, Опел произведува мали комерцијални возила и делови за моторни возила, а присутен на пазарите во околу 60 земји.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.