From Wikipedia, the free encyclopedia
Слободна територија Трст (на италијански: Territorio libero di Trieste, на словенечки: Svobodno tržaško ozemlje, на хрватски: Slobodni teritorij Trsta, на српски: Cлободна Териорија Трста) — поранешна независна територија во Средна Европа помеѓу северна Италија и Југославија, која излегувала на Јадранското Море. Територијата била воспоставена по Втората светска војна, под директна одговорност на Советот за безбедност на ООН.
Територијата била формирана на 10 февруари 1947 година со протокол на Договорот за мир со Италија, со цел етнички и културно мешаното население да се стави во неутрален и независен ентитет. Намерата била да се смират територијалните аспирации на Италија и Југославија произлезени од стратешката важност за трговија со Средна Европа. Територијата станала постоечка на 15 септември истата година. Администрацијата била поделена на две области: едната (Зона А) била сместена во пристанишниот град Трст со тесен крајбрежен појас на северозапад, другата (Зона Б) опфаќала мал дел од северозападниот дел на Истрискиот Полуостров.
Слободната територија де факто прекинала да постои во 1954 година и била поделена помеѓу Италија и Југославија. Овој чин бил официјализиран многу подоцна со билатералниот Договор од Осимо од 1975 година, ратификуван во 1977 година.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.