Црква „Св. Никола“ - Ижиште

Свети Никола — главна селска црква во бродското село Ижиште.^[1]

Свети Никола
Поглед на црквата во далечина (фотографирано од сретселото на Ижиште)
македонска православна црква
Епархија	Дебарско-кичевска
Архијерејско намесништво	Бродско
Парохија	Русјачка
Местоположба
Координати	41°29′25″N 21°05′20″E
Место	Ижиште
Општина	Македонски Брод
Држава	Македонија
Општи податоци
Покровител	Свети Никола
Изградба	XIV или XVII век
Живопис	XVII век
Архитектонски опис
Архит. тип	еднокорабна

Црквата е сместена надвор од селото во североисточна насока, а околу нејзе се наоѓаат самите селски гробишта.

Архитектура

Црквата претставува средновековна или поствизантиска градба.

Таа е еднокорабна гробишна црква.^[2]

Целосно е живописана. Насликаното и стилските одлики (суво и речиси линеарно сликарство и сиромашната палета) се својствени на т.н. поствизантиска уметност застапена главно во периферните селски црквички на Балканот.^[2]

Внимание предизвикува допојасјето на „Св. Ѓорѓи Нови (Кратовски)“ во фризот на мачениците.^[2]

Историја

Најпрвин била изградена во XIV век, а подоцна била обновена и живописана во XVII век, или пак целосно изградена во 1692 година.^[3]

Поврзано

• Ижиште
• Дебарско-кичевска епархија
• Бродско архијерејско намесништво
• Русјачка парохија

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
2. Ристовски, Блаже, уред. (2009). „Свети Никола“. Македонска енциклопедија. , книга II (М-Ш). Скопје: МАНУ. стр. 1331. Text "series " ignored (help)
3. „Русјачка парохија“. Архивирано од изворникот на 2012-07-21. Посетено на 11 октомври 2017.CS1-одржување: бот: непознат статус на изворната URL (link)

Надворешни врски

• Црква „Св. Никола“ - Ижиште на Ризницата ^?