സ്വാഭാവിക പ്രസവം
From Wikipedia, the free encyclopedia
ഗർഭിണിയുടെ അടിവയറും ഗർഭപാത്രവും കീറി ഗർഭസ്ഥ ശിശുവിനെ പുറത്തെടുക്കുന്ന സിസേറിയൻ പ്രസവത്തിൽ നിന്നു വ്യത്യസ്തമായി, സാധാരണയായുള്ള പ്രസവ രീതിയായ യോനി വഴിയുള്ള പ്രസവം ആണ് സ്വാഭാവിക പ്രസവം (ഇംഗ്ലീഷിൽ വജൈനൽ ഡെലിവറി) എന്ന് അറിയപ്പെടുന്നത്.[1][2] ഒരു ഫിസിഷ്യന്റേയോ മിഡ്വൈഫിന്റെയോ സഹായത്തോടെയുള്ള ആശുപത്രിയിലെ പ്രസവം, ഒരു മിഡ്വൈഫിന്റെ സഹായത്തോടെയുള്ള വീട്ടിലെ പ്രസവം അല്ലെങ്കിൽ ആരുടെയും സഹായം ഇല്ലാത്ത വീട്ടിലെ പ്രസവം എന്നിങ്ങനെയുള്ള ഏത് സന്ദർഭത്തിലും സ്വാഭാവിക പ്രസവം സംഭവിക്കാം. ഫോർസെപ്സ് അല്ലെങ്കിൽ വാക്വം കപ്പ് പോലുള്ള ചില ഉപകരണങ്ങളുടെയോ അതുമല്ലെങ്കിൽ പ്രസവ പ്രക്രിയയ്ക്ക് തുടക്കമിടാൻ പ്രേരിപ്പിക്കുന്ന വ്യത്യസ്ത മരുന്നുകളുടെ സഹായത്തോടെയൊ സ്വാഭാവിക പ്രസവം നടത്താം.[1] ലോകമെമ്പാടുമുള്ള ഏറ്റവും സാധാരണമായ പ്രസവ രീതിയാണിത്. സിസേറിയൻ (സി-സെക്ഷൻ) പ്രസവത്തേക്കാൾ രോഗബാധ, മരണനിരക്ക് എന്നിവ കുറഞ്ഞ പ്രസവ രീതിയായി ഇത് കണക്കാക്കപ്പെടുന്നു.[3]
- ഫോർസെപ്സ് ഉൾപ്പടെ യാതൊരു വിധ മെഡിക്കൽ ഇടപെടലും ഇല്ലാതെയുള്ള പ്രസവത്തെക്കുറിച്ച് അറിയാൻ, ദയവായി നാച്ചുറൽ ചൈൾഡ്ബർത്ത് കാണുക.
മെഡിക്കൽ ഇടപെടൽ ഉള്ള പ്രസവത്തിന് വിരുദ്ധമായി, മെഡിക്കൽ ഇടപെടൽ പ്രത്യേകിച്ച് അനസ്തെറ്റിക് മരുന്നുകളുടെ ഉപയോഗം, ചെറു ശസ്ത്രക്രിയയായ എപ്പിസോടോമികൾ, ഫോഴ്സ്പ്സ്, വെന്റൗസ് ഡെലിവറികൾ, സിസേറിയൻ എന്നിവ പോലുള്ള ശസ്ത്രക്രിയാ ഇടപെടലുകൾ കുറയ്ക്കുന്ന തരത്തിലുള്ള പ്രസവത്തെ സൂചിപ്പിക്കാൻ ചില രാജ്യങ്ങളിൽ നാച്ചുറൽ ചൈൾഡ്ബർത്ത് എന്ന പദം ഉപയോഗിക്കുന്നു.