ആൻഡ്രോയ്ഡ്
ഓപ്പറേറ്റിങ് സിസ്റ്റം / From Wikipedia, the free encyclopedia
സ്മാർട്ട് ഫോൺ, ടാബ്ലറ്റ് കമ്പ്യൂട്ടറുകൾ എന്നിങ്ങനെയുള്ള മൊബൈൽ ഉപകരണങ്ങൾക്കായി നിർമ്മിച്ച ഒരു ഓപ്പറേറ്റിങ് സിസ്റ്റം ആണ് ആൻഡ്രോയ്ഡ്[4][5][6].ഗൂഗിൾ നേതൃത്വം നൽകുന്ന ഓപ്പൺ ഹാൻഡ്സെറ്റ് അലയൻസ് എന്ന കൂട്ടായ്മയാണ് ഇത് നിർമ്മിക്കുന്നത്[7][8][9].
നിർമ്മാതാവ് | Various (mostly Google) |
---|---|
പ്രോഗ്രാമിങ് ചെയ്തത് | Java, Kotlin (UI), C (core), C++ and others |
ഒ.എസ്. കുടുംബം | Unix-like (modified Linux kernel) |
തൽസ്ഥിതി: | Current |
സോഴ്സ് മാതൃക | Open source, freeware (most devices include proprietary components, such as Google Play Services or One UI) |
പ്രാരംഭ പൂർണ്ണരൂപം | സെപ്റ്റംബർ 23, 2008; 15 വർഷങ്ങൾക്ക് മുമ്പ് (2008-09-23) |
നൂതന പൂർണ്ണരൂപം | Android 14 / ഒക്ടോബർ 4, 2023; 8 മാസങ്ങൾക്ക് മുമ്പ് (2023-10-04) |
നൂതന പരീക്ഷണരൂപം: | Android 15: Developer Preview 1 / ഫെബ്രുവരി 16, 2024; 4 മാസങ്ങൾക്ക് മുമ്പ് (2024-02-16)[1] |
വാണിജ്യപരമായി ലക്ഷ്യമിടുന്ന കമ്പോളം | Smartphones, tablet computers, smart TVs (Android TV), Android Auto and smartwatches (Wear OS) |
പുതുക്കുന്ന രീതി | Over-the-air |
പാക്കേജ് മാനേജർ | APK-based |
സപ്പോർട്ട് പ്ലാറ്റ്ഫോം | ARM64 (previous versions were also compatible with ARMv7, x86, x86-64 and RISC-V; these architectures are still unofficially supported via third-party solutions)[2][3] |
കേർണൽ തരം | Monolithic (Linux kernel) |
Userland | Bionic libc, mksh shell, Toybox as core utilities |
യൂസർ ഇന്റർഫേസ്' | Graphical (multi-touch) |
സോഫ്റ്റ്വെയർ അനുമതി പത്രിക |
|
വെബ് സൈറ്റ് | www |
Support status | |
Supported | |
Articles in the series | |
Android version history |
ആൻഡ്രോയ്ഡ് ആദ്യം നിർമ്മിച്ചിരുന്ന ആൻഡ്രോയ്ഡ് ഇൻകോർപ്പറേഷൻ എന്ന കമ്പനിയെ ഗൂഗിൾ 2005-ൽ ഏറ്റെടുത്തു[10]. തുടർന്ന് 2005 നവംബർ 5-നു് ആൻഡ്രോയ്ഡ് പുറത്തിറക്കുന്നതിനൊപ്പം ഓപ്പൺ ഹാൻഡ്സെറ്റ് അലയൻസ് എന്ന 85 ഹാർഡ്വെയർ, സോഫ്റ്റ്വെയർ, ടെലികോം കമ്പനികളുടെ സഹകരണത്തോടെ മൊബൈൽ ഡിവൈസുകളുടെ ഓപ്പൺ സ്റ്റാൻഡേർഡിനായി പ്രവർത്തിക്കുന്ന ഒരു കൂട്ടായ്മ രൂപീകരിക്കുകയും ചെയ്തു[8][11][12][13] . മിക്ക കോഡുകളും ഒരു ഓപ്പൺ സോഴ്സ് ലൈസൻസായ അപ്പാച്ചെ അനുമതിപത്രം പുറത്തിറക്കിയിരിക്കുന്ന[14] ആൻഡ്രോയ്ഡിന്റെ തുടർന്നുള്ള വികസന പ്രവർത്തനങ്ങൾക്കായി ആൻഡ്രോയ്ഡ് ഓപ്പൺ സോഴ്സ് പ്രൊജക്ട്(AOSP) രൂപീകരിച്ചിട്ടുണ്ട്[15]
പ്രധാനമായും ആൻഡ്രോയ്ഡിൽ ലിനക്സ് കെർണൽ അടിസ്ഥാനമാക്കിയുള്ള ഒരു കേർണലും, സി ഭാഷയിൽ എഴുതിയ മിഡിൽവെയർ, ലൈബ്രറി, എ.പി.ഐ. എന്നിവയും അപ്പാച്ചെ ഹാർമണി അടിസ്ഥാനമാക്കിയുള്ള ജാവ അധിഷ്ഠിതമായ ആപ്ലിക്കേഷൻ ഫ്രേംവർക്കും, ആപ്ലിക്കേഷൻ സോഫ്റ്റ്വെയറും ഉൾക്കൊള്ളുന്നു. ഡാൽവിക്ക് വിർച്വൽ മെഷീനും, ജാവ കോഡ് റൺ ചെയ്യുന്നതിനായി ജസ്റ്റ് ഇൻ ടൈം കമ്പൈലറും ഉപയോഗിക്കുന്നു[16]. ആൻഡ്രോയ്ഡിൽ ഉപയോഗിക്കാവുന്ന വിവിധതരത്തിലുള്ള നിരവധി ആപ്ലിക്കേഷനുകൾ ലഭ്യമാണ്. ആപ്ലിക്കേഷനുകൾ പ്രധാനമായും കസ്റ്റമൈസ്ഡ് ജാവയിലാണ് എഴുതിയിരിക്കുന്നത്[17]. ഇത്തരത്തിലുള്ള രണ്ടര ലക്ഷത്തിലധികം ആപ്ലിക്കേഷനുകൾ ഇപ്പോൾ നിലവിലുണ്ട്[18][19]. ആപ്ലിക്കേഷനുകൾ ഗൂഗിൾ പ്ലേ എന്ന ഗൂഗിളിന്റെ ആപ്ലിക്കേഷൻ മാർക്കറ്റിൽ നിന്നോ മറ്റു സൈറ്റുകളിൽ നിന്നോ ഡൗൺലോഡ് ചെയ്തെടുക്കാം.
2010-ന്റെ അവസാന പാദത്തിൽ കാനലിസ് നടത്തിയ സർവ്വേയിൽ ലോകത്ത് ഏറ്റവുമധികം വിൽക്കപ്പെടുന്ന സ്മാർട്ട് ഫോൺ ഓപ്പറേറ്റിംഗ് സിസ്റ്റം ആയി ആൻഡ്രോയ്ഡ് തെരഞ്ഞെടുക്കപ്പെട്ടു[20][21]. 2011-ലെ കണക്കുകൾ പ്രകാരം ഒരു ദിവസം 700,000 ആൻഡ്രോയ്ഡ് അധിഷ്ഠിത ഉപകരണങ്ങൾ പ്രവർത്തനക്ഷമമാക്കപ്പെടുന്നുണ്ട്[22].