മഹാത്മാ ഗാന്ധി
ഇന്ത്യയുടെ "രാഷ്ട്രപിതാവ്".ഇന്ത്യൻ സ്വാതന്ത്ര്യസമര പ്രസ്ഥാനത്തിന്റെ നേതാവും വഴികാട്ടിയും. / From Wikipedia, the free encyclopedia
മോഹൻദാസ് കരംചന്ദ് ഗാന്ധി (ഗുജറാത്തി: મોહનદાસ કરમચંદ ગાંધી, ഹിന്ദി: मोहनदास करमचंद गांधी) അഥവാ മഹാത്മാ ഗാന്ധി (1869 ഒക്ടോബർ 2 - 1948 ജനുവരി 30) ഇന്ത്യൻ സ്വാതന്ത്ര്യസമര പ്രസ്ഥാനത്തിന്റെ നേതാവും വഴികാട്ടിയുമായിരുന്നു. ഇന്ത്യയുടെ രാഷ്ട്രപിതാവ് എന്ന് അദ്ദേഹം വിശേഷിപ്പിക്കപ്പെടുന്നു. അഹിംസയിലൂന്നിയ സത്യാഗ്രഹം എന്ന സമര സിദ്ധാന്തത്തിലൂടെ ലോകമെമ്പാടും ഗാന്ധി ശ്രദ്ധേയനായി. മഹത്തായ ആത്മാവ് എന്നർത്ഥം വരുന്ന മഹാത്മാ, അച്ഛൻ എന്നർത്ഥംവരുന്ന ബാപ്പു എന്നീ നാമവിശേഷണങ്ങൾ ജനഹൃദയങ്ങളിൽ അദ്ദേഹത്തിനുള്ള സാന്നിധ്യം വ്യക്തമാക്കുന്നു. കേവലമൊരു രാഷ്ട്രീയ നേതാവ് എന്നതിനേക്കാൾ ദർശനികനായും ഗാന്ധി ലോകമെമ്പാടും അറിയപ്പെടുന്നു.
മഹാത്മാ ഗാന്ധി | ||
---|---|---|
ജനനം | മോഹൻദാസ് കരംചന്ദ് ഗാന്ധി (1869-10-02)2 ഒക്ടോബർ 1869 പോർബന്തർ, പോർബന്തർ സംസ്ഥാനം, കത്തിയവാർ ഏജൻസി, ബ്രിട്ടീഷ് ഇന്ത്യ | |
മരണം | 30 ജനുവരി 1948(1948-01-30) (പ്രായം 78) | |
മരണ കാരണം | കൊലപാതകം (വെടിയേറ്റ മുറിവുകൾ) | |
സ്മാരകങ്ങൾ |
| |
മറ്റ് പേരുകൾ | ബാപ്പു | |
പൗരത്വം |
| |
കലാലയം |
| |
തൊഴിൽ |
| |
സജീവ കാലം | 1893–1948 | |
കാലഘട്ടം | ബ്രിട്ടീഷ് രാജ് | |
അറിയപ്പെടുന്നത് |
| |
അറിയപ്പെടുന്ന കൃതി | എന്റെ സത്യാന്വേഷണപരീക്ഷണങ്ങൾ | |
രാഷ്ട്രീയ കക്ഷി | ഇന്ത്യൻ നാഷണൽ കോൺഗ്രസ് (1920–1934) | |
പ്രസ്ഥാനം | ഇന്ത്യൻ സ്വാതന്ത്ര്യ സമരം | |
ജീവിതപങ്കാളി(കൾ) | ||
കുട്ടികൾ | ||
മാതാപിതാക്ക(ൾ) |
| |
ബന്ധുക്കൾ | കാണുക മഹാത്മാഗാന്ധിയുടെ കുടുംബം; സി.രാജഗോപാലാചാരി (ഗാന്ധിയുടെ മകൻ ദേവദാസിന്റെ അമ്മായിയപ്പൻ) | |
പുരസ്കാരങ്ങൾ | ടൈം പേഴ്സൺ ഓഫ് ദ ഇയർ (1930) | |
ഇന്ത്യൻ നാഷണൽ കോൺഗ്രസിന്റെ പ്രസിഡന്റ് | ||
ഓഫീസിൽ December 1924 – April 1925 | ||
മുൻഗാമി | അബുൽ കലാം ആസാദ് | |
പിൻഗാമി | സരോജിനി നായിഡു | |
| ||
ഒപ്പ് | ||
ഏറ്റവും കഠിനമായ പ്രതിസന്ധിഘട്ടങ്ങളിലും സത്യം, അഹിംസ എന്നീ മൂല്യങ്ങളിൽ അടിയുറച്ചു പ്രവർത്തിക്കുവാനും ജീവിതചര്യയാക്കി മാറ്റുന്നതിനും മഹാത്മാഗാന്ധി ശ്രദ്ധിച്ചു. ജീവിതകാലം മുഴുവൻ അദ്ദേഹം ഹൈന്ദവ തത്ത്വശാസ്ത്രങ്ങളുടെ പ്രായോക്താവായിരുന്നു. എല്ലാ വിധത്തിലും സ്വാശ്രയത്വം പുലർത്തിയ ഒരു ആശ്രമം സ്ഥാപിച്ച് അവിടെ ലളിത ജീവിതം നയിച്ച് അദ്ദേഹം പൊതുപ്രവർത്തകർക്കു മാതൃകയായി. സ്വയം നൂൽനൂറ്റുണ്ടാക്കിയ വസ്ത്രം ധരിച്ചു; സസ്യാഹാരം മാത്രം ഭക്ഷിച്ചു. ഉപവാസം അഥവാ നിരാഹാരം ആത്മശുദ്ധീകരണത്തിനും പ്രതിഷേധത്തിനുമുള്ള ഉപാധിയാക്കി.
ഗാന്ധിജിയുടെ ദർശനങ്ങൾ ആഗോള തലത്തിൽ ഒട്ടേറെ പൗരാവകാശ പ്രവർത്തകരെ സ്വാധീനിച്ചു. മാർട്ടിൻ ലൂഥർ കിംഗ്, സ്റ്റീവ് ബികോ, നെൽസൺ മണ്ടേല, ഓങ് സാൻ സൂ ചി എന്നിവർ ഗാന്ധിയൻ ആശയങ്ങൾ സ്വാംശീകരിച്ചവരിൽപെടുന്നു. ഭാരതീയർ മഹാത്മാഗാന്ധിയെ രാഷ്ട്രപിതാവായി ആദരിക്കുന്നു. അദ്ദേഹത്തിന്റെ ജന്മദിനമായ ഒക്ടോബർ 2 ഗാന്ധിജയന്തി എന്ന പേരിൽ ദേശീയഅവധി നൽകി ആചരിക്കുന്നു. അഹിംസാധിഷ്ഠിത സത്യാഗ്രഹം എന്ന ഗാന്ധിയൻ ആശയത്തോടുള്ള ബഹുമാനാർത്ഥം ഐക്യരാഷ്ട്രസഭ അന്നേ ദിവസം അന്താരാഷ്ട്ര അഹിംസാ ദിനമായും(2007 മുതൽ) പ്രഖ്യാപിചിട്ടുണ്ട്