ആൻഡ്രോയിഡ് 12
From Wikipedia, the free encyclopedia
Remove ads
ഗൂഗിളിൻ്റെ നേതൃത്വത്തിലുള്ള ഓപ്പൺ ഹാൻഡ്‌സെറ്റ് അലയൻസ് വികസിപ്പിച്ച മൊബൈൽ ഓപ്പറേറ്റിംഗ് സിസ്റ്റമായ ആൻഡ്രോയിഡിൻ്റെ പന്ത്രണ്ടാമത്തെ പ്രധാന പതിപ്പും 19-ാമത്തെ പതിപ്പുമാണ് "'ആൻഡ്രോയിഡ് 12"'. ആദ്യ ബീറ്റ 2021 മെയ് 18-ന് പുറത്തിറങ്ങി. ആൻഡ്രോയിഡ് ഓപ്പൺ സോഴ്സ് പ്രോജക്റ്റ് (AOSP) വഴി 2021 ഒക്ടോബർ 4-ന് ആൻഡ്രോയിഡ് 12 എല്ലാവർക്കുമായി പുറത്തിറങ്ങി, 2021 ഒക്ടോബർ 19-ന് ഈ ഒഎസിനെ പിന്തുണയ്‌ക്കുന്ന ഗൂഗിൾ പിക്സൽ(Google Pixel) ഉപകരണങ്ങളിലേക്ക് റിലീസ് ചെയ്തു.[3][4]
.png)
2023 നവംബർ വരെ, ആൻഡ്രോയിഡിൻ്റെ ഏറ്റവും വ്യാപകമായി ഉപയോഗിക്കുന്ന രണ്ടാമത്തെ പതിപ്പാണ് ആൻഡ്രോയിഡ് 12, 18% വിപണി വിഹിതം (ആൻഡ്രോയിഡ് 11-നേക്കാൾ അല്പം മുന്നിലാണ്, എന്നാൽ ആൻഡ്രോയിഡ് 13-നെക്കാൾ വളരെ പിന്നിലാണ്), 682 ദശലക്ഷം ഉപകരണങ്ങളുണ്ട്. ആൻഡ്രോയിഡ് 12 ഒഎസ് ഉള്ള ആദ്യത്തെ ഫോണുകൾ ഗൂഗിൾ പിക്സൽ 6, 6 പ്രോ ആയിരുന്നു.[5]
Remove ads
ചരിത്രം
ആൻഡ്രോയിഡ് 12 (സ്നോ കോൺ എന്ന രഹസ്യനാമത്തിലറിയപ്പെടുന്നു)[6]2021 ഫെബ്രുവരി 18-ന് പോസ്‌റ്റ് ചെയ്‌ത ഒരു ആൻഡ്രോയിഡ് ബ്ലോഗിൽ പ്രഖ്യാപിച്ചു.[7]ഉടൻ തന്നെ ഒരു ഡെവലപ്പർ പ്രിവ്യൂ പുറത്തിറങ്ങി,[8][9] അടുത്ത രണ്ട് മാസങ്ങളിൽ രണ്ടെണ്ണം കൂടി പ്ലാൻ ചെയ്തു. മെയ് മുതൽ, എല്ലാ മാസവും സോഫ്റ്റ്വെയറിൻ്റെ നാല് പരീക്ഷണ പതിപ്പുകൾ പുറത്തിറക്കും. ഓഗസ്റ്റിൽ പുറത്തിറങ്ങിയ ഈ ടെസ്റ്റ് പതിപ്പുകളിൽ അവസാനത്തേത് ദൈനംദിന ഉപയോഗത്തിന് ഉതകുന്നതായിരിക്കും. അതിനുശേഷം എല്ലാവർക്കും സോഫ്റ്റ്‌വെയർ ലഭ്യമാക്കും.[10]
രണ്ടാമത്തെ ഡെവലപ്പർ പ്രിവ്യൂ 2021 മാർച്ച് 17-ന് പുറത്തിറങ്ങി,[11]തുടർന്ന് മൂന്നാമത്തെ പ്രിവ്യൂ ഏപ്രിൽ 21-ന് പുറത്തിറങ്ങി.[12]ആദ്യത്തെ ബീറ്റ ബിൽഡ് പിന്നീട് 2021 മെയ് 18-ന് പുറത്തിറങ്ങി. റിപ്പോർട്ടുചെയ്ത പ്രശ്നങ്ങൾ പരിഹരിക്കുന്നതിനും സ്ഥിരത മെച്ചപ്പെടുത്തുന്നതിനുമായി ജൂൺ 23-ന് പതിപ്പ് 2.1-ലേക്കുള്ള ബഗ്-ഫിക്സ് അപ്ഡേറ്റ് ഉപയോഗിച്ച് ജൂൺ 9-ന് സോഫ്റ്റ്വെയറിൻ്റെ ബീറ്റ 2 പുറത്തിറങ്ങി.[13]മൂന്നാമത്തെ ബീറ്റ ജൂലൈ 14 ന് പുറത്തിറങ്ങി, ജൂലൈ 26 ന് പതിപ്പ് 3.1-ൽ ബഗ് പരിഹരിക്കുന്നതിനായുള്ള അപ്ഡേറ്റ് ലഭിച്ചു.[14]ബീറ്റ 4 2021 ഓഗസ്റ്റ് 11-ന് പുറത്തിറങ്ങി.[15]യഥാർത്ഥ റോഡ്‌മാപ്പിൽ പ്ലാൻ ചെയ്തിട്ടില്ലാത്ത അഞ്ചാമത്തെ ബീറ്റ പതിപ്പ് 2021 സെപ്റ്റംബർ 8-ന് പുറത്തിറങ്ങി[16]. ആൻഡ്രോയിഡ് 12-ൻ്റെ സ്ഥിരതയുള്ള പതിപ്പ്, പിക്സൽ 6-ൻ്റെ ലോഞ്ച് ഇവൻ്റിനോട് അനുബന്ധിച്ച്, ഒക്ടോബർ 19-ന് പബ്ലിക് ഓവർ-ദി-എയർ റോളൗട്ട് ലഭിക്കുന്നതിന് മുമ്പ്, ഒക്ടോബർ 4-ന് ആൻഡ്രോയിഡ് ഓപ്പൺ സോഴ്സ് പ്രോജക്റ്റായി പുറത്തിറങ്ങി.[17]
ആൻഡ്രോയിഡ് 12.1/12L
മടക്കാവുന്ന ഫോണുകൾ, ടാബ്‌ലെറ്റുകൾ, ഡെസ്‌ക്‌ടോപ്പിന്റെ വലുപ്പമുള്ള സ്‌ക്രീനുകൾ[18],ക്രോംബുക്കുകൾ എന്നിവയ്‌ക്കായുള്ള പ്രത്യേക മെച്ചപ്പെടുത്തലുകളും വലിയ സ്‌ക്രീനുകൾക്ക് അനുയോജ്യമാക്കുന്നതിന് യൂസർ ഇൻ്റർഫേസിലെ പരിഷ്‌ക്കരണങ്ങളും ഉൾപ്പെടെ ആൻഡ്രോയിഡ് 12-ൻ്റെ ഇടക്കാല റിലീസായ ആൻഡ്രോയിഡ് 12L, 2021 ഒക്ടോബറിൽ ഗൂഗിൾ പ്രഖ്യാപിച്ചു. 2022-ൻ്റെ തുടക്കത്തിൽ തന്നെ ഇത് ആരംഭിക്കാൻ പദ്ധതിയിട്ടിരുന്നു.[19][20]ആൻഡ്രോയിഡ് 12L-ൻ്റെ ഡെവലപ്പർ പ്രിവ്യൂ 1 ഒക്ടോബറിൽ 2021 ഒക്ടോബറിലും ബീറ്റ 1 ഡിസംബറിൽ 2021-ലും ബീറ്റ 2 ജനുവരി 2022-ലും ബീറ്റ 3 ഫെബ്രുവരി 2022-ലും പുറത്തിറങ്ങി.[21]ആൻഡ്രോയിഡ് 12L-ൻ്റെ സ്ഥിരതയുള്ള പതിപ്പ് 2022 മാർച്ച് 7-ന് വലിയ സ്‌ക്രീനുകളുള്ള ഉപകരണങ്ങൾക്കായി പുറത്തിറങ്ങി, പിക്സൽ 6, പിക്സൽ 6 പ്രോ എന്നിവയ്‌ക്ക് പുറമെ അതേ തീയതിയിൽ തന്നെ പിക്സൽ സ്‌മാർട്ട്‌ഫോണുകൾക്കായി "ആൻഡ്രോയിഡ് 12.1" ആയി പുറത്തിറങ്ങി.[22]
ഫീച്ചറുകൾ
യൂസർ ഇൻ്റർഫേസ്
വലിയ ബട്ടണുകൾ, ആനിമേഷൻ്റെ വർദ്ധിച്ച ഉപയോഗം, ഹോം സ്‌ക്രീൻ വിജറ്റുകൾക്കുള്ള പുതിയ ശൈലി എന്നിവ ഉൾക്കൊള്ളുന്ന "മെറ്റീരിയൽ യു" എന്ന ബ്രാൻഡഡ് ഓപ്പറേറ്റിംഗ് സിസ്റ്റത്തിൻ്റെ മെറ്റീരിയൽ ഡിസൈൻ ഭാഷയിലേക്ക് ആൻഡ്രോയിഡ് 12 ഒരു പുതുക്കിയ രീതിയിൽ അവതരിപ്പിക്കുന്നു. ആന്തരികമായി "മോനറ്റ്(monet)" എന്ന രഹസ്യനാമം ഉള്ള ഈ സവിശേഷത മൂലം[23], ഉപയോക്താവിൻ്റെ വാൾപേപ്പറിൻ്റെ നിറങ്ങൾ ഉപയോഗിച്ച് സിസ്റ്റം മെനുകൾക്കും പിന്തുണയ്‌ക്കുന്ന ആപ്പുകൾക്കുമായി ഒരു കളർ തീം സ്വയമേവ സൃഷ്ടിക്കാൻ ഓപ്പറേറ്റിംഗ് സിസ്റ്റത്തെ അനുവദിക്കുന്നു.[24][25]ആൻഡ്രോയിഡ് 11-ലെ പവർ മെനുവിലേക്ക് ചേർത്തിട്ടുള്ള സ്മാർട്ട് ഹോം, വാലറ്റ് ഏരിയകൾ നോട്ടിഫിക്കേഷൻ ഷെയ്ഡിലേക്ക് മാറ്റി, അതേസമയം ഗൂഗിൾ അസിസ്റ്റന്റ് ഇപ്പോൾ പവർ ബട്ടൺ അമർത്തിപ്പിടിച്ച് കൊണ്ട് ഉപോയഗിക്കാൻ സാധിക്കുന്നു.[24]സ്‌ക്രോളിംഗ് സ്‌ക്രീൻഷോട്ടുകൾ എടുക്കുന്നതിനുള്ള നേറ്റീവ് സപ്പോർട്ട് ആൻഡ്രോയിഡ് 12-ൽ അവതരിപ്പിക്കുന്നു.[24][26]
ആൻഡ്രോയിഡ് 11-ൽ ഉണ്ടായിരുന്ന പവർ മെനുവിലേക്ക് ചേർത്തിട്ടുള്ള സ്മാർട്ട് ഹോം, വാലറ്റ് ഏരിയകൾ എന്നിവ ആൻഡ്രോയിഡ് 12-ൽ നോട്ടിഫിക്കേഷൻ ഷെയ്ഡിലേക്ക് മാറ്റി, അതേസമയം പവർ ബട്ടൺ അമർത്തിപ്പിടിച്ച്കൊണ്ട് ഗൂഗിൾ അസിസ്റ്റൻ്റ് ഇപ്പോൾ പ്രവർത്തിപ്പിക്കാൻ സാധിക്കും.[24]സ്‌ക്രോളിംഗ് സ്‌ക്രീൻഷോട്ടുകൾ എടുക്കുന്നതിനുള്ള നേറ്റീവ് സപ്പോർട്ട് ആൻഡ്രോയിഡ് 12-ൽ അവതരിപ്പിക്കുന്നു.[24][26]
സ്‌ക്രീൻ മാഗ്നിഫയർ ഇപ്പോൾ ഫ്ലോട്ടിംഗ് വിൻഡോയിലൂടെ ഭാഗികമായ മാഗ്‌നിഫിക്കേഷൻ വാഗ്ദാനം ചെയ്യുന്നു, ഇത് സ്‌ക്രീനിൻ്റെ പ്രത്യേക മേഖലകളിൽ ശ്രദ്ധ കേന്ദ്രീകരിക്കാൻ ഉപയോക്താക്കളെ അനുവദിക്കുന്നു. കൂടാതെ, ടെക്‌സ്‌റ്റ് ഇൻപുട്ടുകൾ സ്വയമേവ പിന്തുടരുന്നതിനായി ഇത് സജ്ജീകരിക്കാനാകും, ഇത് കാഴ്ച വൈകല്യമുള്ള ഉപയോക്താക്കൾക്ക് നാവിഗേറ്റ് ചെയ്യാനും ടെക്‌സ്‌റ്റുമായി സംവദിക്കാനും സാധിക്കുന്നു.[27][28]
അവലംബം
Wikiwand - on
Seamless Wikipedia browsing. On steroids.
Remove ads