ബാഫിൻ ദ്വീപ്

കാനഡയിലെ നൂനവുട്, കേന്ദ്രഭരണ പ്രദേശത്തിലെ ഒരു ദ്വീപാണ് ബാഫിൻ ദ്വീപ് (Baffin Island Inuktitut: ᕿᑭᖅᑖᓗᒃ, Qikiqtaaluk IPA: [qikiqtaːluk], French: Île de Baffin or Terre de Baffin). കാനഡയിലെ ഏറ്റവും വലിയ ദ്വീപായ ഇതിന് ലോകത്തിലെ ഏറ്റവും വലിയ അഞ്ചാമത്തെ ദ്വീപ് എന്ന സ്ഥാനമുണ്ട്. 2007-ലെ കണക്കുകൾ പ്രകാരം ഇവിടത്തെ ജനസംഖ്യ ഏകദേശം പതിനൊന്നായിരത്തോളമായിരുന്നു. ഇംഗ്ലീഷ് പര്യവേഷകനായിരുന്ന വില്ല്യം ബാഫിന്റെ പേരിൽനിന്നാണ് ദ്വീപിന് ഈ പേർ ലഭിച്ചത്.^[3] ഈ ദ്വീപ് ഉത്തര അക്ഷാംശം 65.4215 പശ്ചിമ രേഖാംശം 70.9654 എന്നിവയിൽ സ്ഥിതിചെയ്യുന്നു. ഗ്രീൻലാന്റ്, ഐസ്ലാന്റ് എന്നിവിടങ്ങളിൽനിന്നുമുള്ള പര്യവേഷകർക്ക് 'ബാഫിൻ ദ്വീപ് പരിചയമുണ്ടായിരുന്നതായി കരുതപ്പെടുന്നു, ഐസ്‌ലാന്റിക് വീരകഥകളിൽ പരാമർശിക്കപ്പെടുന്ന ഹെല്ലുലാന്റ് ഈ പ്രദേശത്താണെന്നും കരുതപ്പെടുന്നു.

ബാഫിൻ ദ്വീപ്

Native name: ᕿᑭᖅᑖᓗᒃ (Qikiqtaaluk)
ബാഫിൻ ദ്വീപ് Show map of Nunavut ബാഫിൻ ദ്വീപ് Show map of Canada
Geography
Location	വടക്കൻ കാനഡ
Coordinates	68°N 70°W
Archipelago	ആർട്ടിക് ദ്വീപസമൂഹം
Area	507,451 കി.m2 (195,928 ച മൈ)
Area rank	5th
Highest elevation	2,147 m (7,044 ft)
Highest point	മൌണ്ട് ഓഡിൻ
Administration
കാനഡ
Territory	നുനാവട്
Largest settlement	ഇക്വാല്യൂട്ട് (pop. 7,740)
Demographics
Population	13,148[1] (2016)
Pop. density	0.02 /km2 (0.05 /sq mi)
Ethnic groups	Inuit (72.7%), non-Aboriginal (25.3%), First Nations (0.7%), Métis (0.5%)[2]

ഭൂമിശാസ്ത്രം

Topography of Baffin Island

Coast of the Remote Peninsula in Sam Ford Fjord, northeast Baffin Island

Southern tip of Baffin Island.

Mount Thor, a large cliff on Baffin Island

Mount Thor

Pangnirtung

നൂനവുടിന്റെ തലസ്ഥാനമായ ഇക്വാലുയിറ്റ്, ബാഫിൻ ദ്വീപിന്റെ തെക്ക്-കിഴക്കൻ തീരത്തായി സ്ഥിതിചെയ്യുന്നു. 1987 വരെ ഈ പട്ടണത്തിന്റെ പേർ അതു സ്ഥിതിചെയ്യുന്ന ഉൾക്കടലായിരുന്ന ഫ്രോബിഷർ ബേ എന്നായിരുന്നു^[4]. ബാഫിൻ ദ്വീപിനെ വൻകരയിലെ കുബെക്കുമായി വേർതിരിക്കുന്ന ഹഡ്സൺ ഉൾക്കടൽ ദ്വീപിന്റെ തെക്ക് ഭാഗത്തായി സ്ഥിതിചെയ്യുന്നു.^[5] ദ്വീപിന്റെ പടിഞ്ഞാറൻ അറ്റത്തിന്റെ തെക്കായി ഫ്യൂറി ആൻറ് ഹെക്ല കടലിടുക്ക് സ്ഥിതിചെയ്യുന്നു^[6] ബാഫിൻ ദ്വീപിനും മെൽവിൽ ഉപദ്വീപിനുമിടയിലായാണ് ഈ കടലിടുക്ക് സ്ഥിതിചെയ്യുന്നത്^[7]. ദ്വീപിന്റെ കിഴക്കായി സ്ഥിതിചെയ്യുന്ന ഡേവിസ് കടലിടുക്കിനും^[8] ബാഫിൻ ഉൾക്കടലിനും,^[9] കിഴക്കായാണ് ഗ്രീൻലാന്റ് നിലകൊള്ളുന്നത്.^[5] ഫോക്സി ബേസിൻ,^[10] ഗൾഫ് ഓഫ് ബൂത്തിയ^[11] ലാൻ‌കാസ്റ്റർ സൗണ്ട്^[12] എന്നിവ ബാഫിൻ ദ്വീപിന്റെ വടക്കും പടിഞ്ഞാറുമായി കനേഡിയൻ ആർട്ടിക് ദ്വീപസമൂഹത്തിനും ഈ ദ്വീപിനുമിടയിലായി സ്ഥിതിചെയ്യുന്നു.

ബാഫിൻ ദ്വീപിന്റെ വടക്ക് കിഴക്കൻ തീരത്തായി ബാഫിൻ മലകൾ നിലകൊള്ളുന്നു. ഇതിലെ ഏറ്റവും ഉയരമുള്ള കൊടുമുടി ഏകദേശം 2,147 മീ (7,044 അടി) ഉയരമുള്ള മൗണ്ട് ഓഡിൻ ആണ്^[13][14]. 1,675 മീ (5,495 അടി) ഉയരമുള്ള മൗണ്ട് തോർ ഭൂമിയിലെ ഏറ്റവും ചെങ്കുത്തായ(1,250 മീ (4,100 അടി)) കൊടുമുടിയാണെന്ന് കരുതപ്പെടുന്നു.^[15] ബാഫിൻ ദ്വീപിലെ ഏറ്റവും വലിയ തടാകങ്ങൾ നിറ്റിലിങ് തടാകം (5,542 കി.m² (5.965×10¹⁰ sq ft)) അമാജക് തടാകം (3,115 കി.m² (3.353×10¹⁰ sq ft)) എന്നിവയാണ്.^[16][17][18]

ചരിത്രം

നൂറ്റണ്ടുകളോളമായി തുടർച്ചയായി ജനവാസമുള്ള പ്രദേശമാണിത്, ഇവിടെ ഇനുയിറ്റ് വംശജരാണ് താമസിച്ചു വരുന്നത്.

ജീവജാലങ്ങൾ

A Baffin Island red fox

ഉഷ്ണകാലത്ത് മാത്രം ഇവിടെ താമസിക്കുന്ന ജീവികളും വർഷം മുഴുവൻ താമസിക്കുന്ന ജീവികളും ഇവിടെയുണ്ട്. ഇവിടെ വർഷം മുഴുവൻ താമസിക്കുന്ന ജീവികളിൽ കരിബോ, ധ്രുവക്കരടി, ധ്രുവക്കുറുക്കൻ, ധ്രുവമുയൽ, ലെമ്മിങ് എന്നിയ ഉൾപ്പെടുന്നു.