എച്ച്.ഐ.വി.

ഹ്യൂമൻ ഇമ്മ്യൂണോഡെഫിഷ്യൻസി വൈറസ് (Human Immuno Deficiency Virus) എന്ന വൈറസുകളാണ് എയ്ഡ്സ് ഉണ്ടാക്കുന്നത്. ഇത് റിട്രോ വൈറസ് വർഗ്ഗത്തിൽ‍ പെട്ടതാണ്.

എച്ച്.ഐ.വി. 1 വൈറസ് വികാസം പ്രാപിക്കുന്ന ചിത്രം

എച്ച്.ഐ.വി. യുടെ സാങ്കല്പിക രേഖാ ചിത്രം

ആർ.എൻ.എ.(R.N.A)വിഭാഗത്തിൽപ്പെട്ട ഒരു റിട്രോ വൈറസ് (Retro Virus) ആണ് എയ്‌ഡ്‌സ്‌ വൈറസ്. 1984-ൽ അമേരിക്കൻ നാഷണൽ ക്യാൻസർ ഇൻസ്റ്റിട്യൂട്ടിലെ ഡോക്ടർ റോബർട്ട് ഗാലോ (Dr.Robert Gallo) ആണ് എയ്‌ഡ്‌സ്‌ രോഗാണുവിനെ ആദ്യമായി കണ്ടുപിടിച്ചത്. എൽ.എ.വി.(Lymphadenopathy associated virus) എച്ച്.ടി.എൽ.വി.3 (H.T.L.V 3) എന്നൊക്കെ അറിയപ്പെട്ടിരുന്ന ഈ വൈറസിന് ഇപ്പോൾ എച്ച്.ഐ.വി.(Human Immuno deficiency Virus) എന്നാണ് അന്തർദേശിയ വൈറസ് നാമകരണ കമ്മറ്റി പേരു നൽകിയിരിക്കുന്നത്. എയ്‌ഡ്‌സ് അവസ്ഥ ഉണ്ടാക്കുന്ന മറ്റൊരു വൈറസായ HIV 2 ^[1] എന്ന വൈറസിനെ “മോണ്ടാഗ്നിയർ” (Montagnier‌)1985ൽ ഫ്രെഞ്ച് ഡോ.ലുക് മൊണ്ടാഗ്നിയർ കണ്ടുപിടിക്കുകയുണ്ടായി^[2] .

രോഗാണുവിന്റെ പകർച്ച

*രക്തദാനം

*അണുബാധയേറ്റ സിറിഞ്ചും സൂചിയും

*സുരക്ഷിതമല്ലാത്ത ലൈംഗികബന്ധം

*ഗർഭസ്ഥശിശു, മുലപ്പാൽ എന്നിവയിലൂടെ കുഞ്ഞിന് എച്ച്.ഐ.വി. ബാധയുണ്ടാകാം.

*കൂടാതെ പ്രസവ സമയത്ത് അമ്മയിൽ നിന്നും കുഞ്ഞിലേക്കും പകരാം.

ഇങ്ങനെ പ്രധാനപ്പെട്ട നാല് വഴിയിലൂടെയാണ് എച്ച്.ഐ.വി. ഒരാളിൽ നിന്നും മറ്റൊരാളിലേക്ക് പകരുന്നത്.

പ്രതിരോധശേഷിയുള്ള ശ്വേതരക്താണുക്കളെയാണ്‌ എച്ച്.ഐ.വി. ബാധിക്കുന്നത്.

രക്തദാനം നടത്തുമ്പോൾ രക്ത പരിശോധന നടത്തുന്നത് കൊണ്ട് രക്തദാനത്തിലൂടെയുള്ള എച്ച്.ഐ.വി. ബാധ ഏറകുറേ തടയാൻ ആധുനിക ലോകത്തിന് കഴിയുന്നുണ്ട്.

ഗർഭനിരോധന ഉറ അഥവാ കോണ്ടം ഉപയോഗിക്കുന്നത് വഴി രോഗാണുവാഹകരുമായുള്ള ലൈംഗിക ബന്ധത്തിലൂടെ എച്ച്ഐവി വൈറസ് പകരുന്നത് നല്ലൊരു ശതമാനവും തടയാൻ സാധിക്കും. സ്ത്രീകൾക്കുള്ള കോണ്ടവും ഇക്കാര്യത്തിൽ ഫലപ്രദമാണ്.

• ശാസ്ത്രീയമായ ലൈംഗികാരോഗ്യ വിദ്യാഭ്യാസത്തിന്റെ അഭാവം തന്നെയാണ് ഇത്തരം പ്രശ്നങ്ങൾ വഷളാകാൻ പ്രധാന കാരണം.

• ഗുഹ്യരോമം മൂടോടെ ഷേവ് ചെയ്യുന്നത് മൂലമുണ്ടാകുന്ന ത്വക്കിലെ സൂക്ഷ്മമായ മുറിവുകൾ വഴി ലൈംഗികബന്ധത്തിലൂടെ പകരുന്ന രോഗങ്ങൾ പകരാൻ സാധ്യത ഉണ്ട്.

എച്ച്.ഐ.വി. പകർച്ചവ്യാധിയാണ്. ജനുവരി 2006 വരെയുള്ള Joint United Nations Programme on HIV/AIDS (UNAIDS) ഉം World Health Organization (WHO) ന്റ് കണക്ക് പ്രകാരം ഏകദേശം 25 ദശലക്ഷം ആളുകൾ എച്ച്.ഐ.വി. ബാധ മൂലം കൊല്ലപ്പെട്ടു. എച്ച്.ഐ.വി. ആദ്യമായി തിരിച്ചറിഞ്ഞത് ഡിസംബർ 1, 1981 ൻ ആണ്^{[അവലംബം ആവശ്യമാണ്]}. ചരിത്ര രേഖകളിൽ ഇതിനേക്കാൾ കൂടുതൽ പടർന്ന് പിടിച്ച മറ്റൊരു രോഗവും രേഖപ്പെടുത്തിയിട്ടില്ല^{[അവലംബം ആവശ്യമാണ്]}. ലോക ജനസംഖ്യയിൽ 0.6% ആളുകൾ എച്ച്.ഐ.വി. ബാധിതരാണ്^{[അവലംബം ആവശ്യമാണ്]}.

2005-ൽ മാത്രം ഏകദേശം 2.4-3.3 ജനങ്ങളിൽ എയ്‌ഡ്‌സ് ബാധ കണ്ടെത്തി^{[അവലംബം ആവശ്യമാണ്]}. അതിൽ 570000 ത്തിലധികം കുട്ടികളായിരുന്നു. എച്ച്.ഐ.വി. ബാധ മൂലം ഏറ്റവും കൂടുതൽ മരണം സംഭവിക്കുന്നത് ആഫ്രിക്കയിലാണ്^{[അവലംബം ആവശ്യമാണ്]}. ഇത് മൂലം ആഫ്രിക്കൻ രാജ്യങ്ങളുടെ സാമ്പത്തിക വളർച്ച മുരടിച്ച് ദാരിദ്ര്യത്തിൽ നിന്ന് ദാരിദ്ര്യത്തിലേക്ക് കൂപ്പ് കുത്തുകയാണ്. അഫ്രിക്കയിൽ 90 ദശലക്ഷം ആളുകളെ എച്ച്.ഐ.വി. ബാധിച്ചിരിക്കുന്നത് മൂലം ഏകദേശം 18 ദശല‍ക്ഷം അനാധരായി. രോഗപ്രതിരോധപ്രവർത്തനം മൂലം മരണനിരക്കിന്റെയും രോഗം ബാധിക്കുന്നതിന്റെയും കാഠിന്യം കുറയ്ക്കാൻ കഴിഞ്ഞിട്ടുണ്ട്. എന്നാലും ആഫ്രിക്കയിലെ മിക്കവാറും രാജ്യങ്ങളിലും രോഗപ്രതിരോധപ്രവർത്തനം ഇല്ല എന്ന് തന്നെ പറയാം.

ചികിത്സ

നിലവിൽ എയിഡ്സിനെതിരെ മരുന്നുകൾ ഒന്നും ലഭ്യമല്ല . എന്നാൽ പുതിയതായി ഒരു വാക്സിൻ നിർമ്മിചിരികുന്നു .....അതിന്റെ പരിക്ഷണം നടക്കുകയാണ് ..എയിഡ്സ് എതിരെയുള്ള പുതിയ വാക്സിനെ Sav001 എന്നു പറയുന്നു ...കാനഡയിൽ ആണ് ഇത് വികസിപ്പിച്ചത്‌ ...സുമഗെൻ എന്ന കമ്പനി ആണ് ഈ പുതിയ വാക്സിൻ വികസിപ്പിക്കാൻ സഹായം ചെയ്ത് കൊടുത്തത് ...ഇതുവരെ ഉള്ള എല്ലാ പരീക്ഷണങ്ങളും വിജയമായിരുന്നു ...ഇനി 2 ക്ലിനിക്കൽ പരിക്ഷണം കൂടി കഴിഞ്ഞാൽ ഈ വാക്സിൻ വാണിജ്യ അടിസ്ഥാനത്തിൽ ഉല്പാദിപ്പിക്കാനാകും എന്ന് കരുതുന്നു ...എയിഡ്സ് എതിരെയുള്ള വിജയം ആയി ഈ വാക്സിൻ വിലയിരുത്തപ്പെടുന്നു ....^{[അവലംബം ആവശ്യമാണ്]}

പ്രതിരോധ മാർഗങ്ങൾ

1. രോഗാണുവാഹകരുമായി ലൈംഗികബന്ധം ഒഴിവാക്കുക.
2. കോണ്ടം ഉപയോഗിച്ച് സുരക്ഷിതമായ ലൈംഗിക ബന്ധത്തിൽ മാത്രം ഏർപ്പെടുക.
3. പങ്കാളിയുടെ നിർബന്ധത്തിന് വഴങ്ങി വെറും വിശ്വാസത്തിന്റെ പേരിൽ കോണ്ടം ഉപയോഗിക്കാതെ സംഭോഗത്തിൽ ഏർപ്പെടുന്നത് ഏറെ അപകടകരമാണ്.
4. ഉറകൾ ഉപയോഗിക്കുന്നതു കൊണ്ട് നല്ലൊരു പരിധിവരെ രോഗം പകരാതിരിക്കുവാൻ സാധിക്കും. പക്ഷേ സമ്പൂർണ്ണ സുരക്ഷ ഇതു വാഗ്ദാനം ചെയ്യുന്നില്ല.
5. സ്ത്രീകൾക്കുള്ള കോണ്ടവും ഫലപ്രദമാണ്. പുരുഷന് കോണ്ടം ഉപയോഗിക്കാൻ താൽപര്യമില്ലെങ്കിൽ സ്ത്രീക്ക് ഇത് ഉപയോഗിക്കാം. ആന്റിവൈറൽ ലൂബ്രിക്കന്റ് അടങ്ങിയ ഉറവരെ ഇന്ന് ലഭ്യമാണ്.
6. ഫാർമസിയിൽ നിന്നോ ആരോഗ്യ കേന്ദ്രങ്ങളിൽ നിന്നോ കോണ്ടം ചോദിച്ചു വാങ്ങാൻ മടിയോ ലജ്ജയോ വിചാരിക്കേണ്ടതില്ല. നേരിട്ട് വാങ്ങാൻ ബുദ്ധിമുട്ട് ഉള്ളവർക്ക് ഓൺലൈൻ മാർഗത്തിൽ സ്വകാര്യമായി ഇവ വാങ്ങുവാനും ഇന്ന് സൗകര്യമുണ്ട്.
7. ഗുദഭോഗം അഥവാ അനൽ സെക്സ് എന്ന ലൈംഗിക ആസ്വാദന രീതിയിൽ ഏർപ്പെടുന്നവർ സ്ത്രീകൾക്കുള്ള കോണ്ടം അഥവാ ആന്തരിക കോണ്ടം ഉപയോഗിക്കുക.
8. ലിംഗത്തിലോ, യോനിയിലോ അനുബന്ധ ഭാഗങ്ങളിലൊ മുറിവോ വ്രണമോ ഉണ്ടെങ്കിൽ അത്തരം വ്യക്തികളുമായി ലൈംഗികബന്ധം ഒഴിവാക്കുക അല്ലെങ്കിൽ കോണ്ടം ഉപയോഗിക്കുക.
9. വദനസുരതം (ഓറൽ സെക്സ്) സാധാരണ ഗതിയിൽ എയ്ഡ്‌സ് പകരാൻ മുഖ്യ കാരണം അല്ലെങ്കിലും രോഗ വാഹകരായ ആളുകളുടെ ജനനേന്ദ്രിയ ഭാഗത്ത്‌ മുറിവോ വ്രണമോ ഉണ്ടെങ്കിൽ രോഗാണുബാധ ഉണ്ടായേക്കാം. മാത്രമല്ല പുരുഷന്റെ സ്നേഹദ്രവത്തിലും, ശുക്ലത്തിലും കാണപ്പെടുന്ന രോഗാണുക്കൾ രോഗവ്യാപനത്തിന് കാരണമാകാം. അതിനാൽ കോണ്ടം, ദന്തമൂടികൾ (ഡെന്റൽ ഡാമ്സ്)തുടങ്ങി സുരക്ഷാമാർഗങ്ങൾ ഉപയോഗിക്കുന്നത് തന്നെയാണ് നല്ലത്. ഭക്ഷ്യവസ്തുക്കളുടെ രുചിയും ഗന്ധവുമുള്ള ചോക്ലേറ്റ്, ബനാന തുടങ്ങിയ ഫ്ലെവേർഡ് കോണ്ടം വദനസുരതം ഇഷ്ടപ്പെടുന്നവരെ ഉദ്ദേശിച്ചുള്ളതാണ്.
10. രോഗാണുബാധിതർ രക്തം, ശുക്ലം, വൃക്ക മുതലായവ ദാനം ചെയ്യാതിരിക്കുക.
11. വിശ്വാസ്യതയുള്ള രക്തബാങ്കിൽ നിന്നുമാത്രം രക്തം സ്വീകരിക്കുക.
12. സിറിഞ്ച്, സൂചി തുടങ്ങിയവ വീണ്ടും ഉപയോഗിക്കാൻ പാടില്ല.
13. പല്ലു തേക്കുന്ന ബ്രഷ്, ഷേവിംഗ് ബ്ലേഡ് ഇവ മറ്റുള്ളവർക്ക് ഉപയോഗിക്കാൻ കൊടുക്കരുത്. മറ്റുള്ളവരുടേത് ഉപയോഗിക്കുകയും ചെയ്യരുത്. ഇവ ഉപയോഗിക്കുമ്പോൾ രക്തം പൊടിക്കാൻ സാധ്യതയുള്ളതു കൊണ്ടാണ്, ഈ മുൻകരുതൽ എടുക്കെണ്ടത്.
14. എന്തെങ്കിലും ചികിത്സക്കായി ഡോക്ടറെ കാണുമ്പോൾ സ്വന്തം ആരോഗ്യസ്ഥിതി വെളിപ്പെടുത്തുക. കാരണം ആരോഗ്യപരിപാലകരായ ഇവർക്ക് വേണ്ടത്ര മുൻ കരുതൽ എടുക്കുവാൻ സാധിക്കും.
15. രോഗിയുടെ രക്തം നിലത്ത് വീഴാൻ ഇടയായാൽ ബ്ലീച്ചിംഗ് പൌഡർ വെള്ളത്തിൽ കലക്കി (1.10 എന്ന അനുപാതത്തിൽ) അവിടെ ഒഴിക്കുക.അര മണിക്കുറിനു ശേഷം കഴുകി കളയാം. വസ്ത്രത്തിൽ രക്തം പുരണ്ടാൽ തിളക്കുന്ന വെള്ളത്തിൽ മുക്കി അര മണിക്കൂർ വച്ച ശേഷം കഴുകി വൃത്തിയാക്കുക. അണുബാധിതരുടെ വസ്ത്രം ഇപ്രകാരം വൃത്തിയാക്കുമ്പോൾ കൈയുറകൾ ധരിക്കണം.
16. ഗുഹ്യരോമം മൂടോടെ ഷേവ് ചെയ്യുന്നത് ഒഴിവാക്കുക. അവ ബുദ്ധിമുട്ട് ഉണ്ടാക്കുന്നുവെങ്കിൽ ചെറിയ കത്രികയോ ട്രിമ്മറോ മറ്റോ ഉപയോഗിച്ച് നീളം കുറച്ചു മുറിച്ചു നിർത്തുന്നതാണ് ഉചിതം. ഷേവ് ചെയ്യുന്നത് മൂലം ഉണ്ടാകുന്ന സൂക്ഷ്മമായ മുറിവുകളിലൂടെ ഇത്തരം അണുബാധകൾ വേഗം പടരുന്നു എന്നതാണ് കാരണം. ഗുഹ്യരോമങ്ങൾ സംഭോഗവേളയിൽ ഉണ്ടാകുന്ന ഘർഷണം കുറക്കുകയും രോഗാണുബാധകളെ പ്രതിരോധിക്കുകയും ചെയ്യാറുണ്ട്.
17. രോഗാണുവാഹകരുമായി രോഗപ്പകർച്ച ഉണ്ടാകുന്ന രീതിയിൽ സമ്പർക്കം ഉണ്ടായാൽ എത്രയും വേഗം വൈദ്യസഹായം തേടുക. പ്രതിരോധ മരുന്നുകൾ സ്വീകരിക്കുക.
18. ശാസ്ത്രീയമായ മുൻകരുതൽ സ്വീകരിക്കുക വഴി എച്ച്ഐവി മാത്രമല്ല ഹെർപ്പിസ്, സിഫിലിസ്, ഗൊണേറിയ, ഹെപ്പറ്റെറ്റിസ് ബി, എച്ച്പിവി (ഗർഭാശയഗള കാൻസർ), പെൽവിക് ഇൻഫെക്ഷൻ തുടങ്ങിയ ലൈംഗികബന്ധത്തിലൂടെ പകരുന്ന രോഗങ്ങൾ നല്ലൊരു ശതമാനം ഒഴിവാക്കാൻ സാധിക്കും.
19. ലൈംഗികബന്ധത്തിന് മുൻപും ശേഷവും ജനനേന്ദ്രിയഭാഗങ്ങൾ വീര്യം കുറഞ്ഞ സോപ്പും വെള്ളവും ഉപയോഗിച്ച് കഴുകുന്ന ശീലം വ്യക്തി ശുചിത്വത്തിന്റെ ഭാഗമാക്കുന്നത് നല്ലതാണ്.
20. പലർക്കും കോണ്ടം, കുടുംബാസൂത്രണം, ഗർഭനിരോധന രീതികൾ, ലൈംഗികത എന്നിവയെപ്പറ്റി ശാസ്ത്രീയമായ അറിവില്ല. ചിലർ കോണ്ടം, ലൂബ്രിക്കന്റ് ജെല്ലി തുടങ്ങിയവ വാങ്ങാൻ പോലും മടിക്കുന്നു. ഇക്കാരണത്താൽ ആഗ്രഹിക്കാത്ത ഗർഭം, പ്രസവം, ലൈംഗികബന്ധത്തിലൂടെ പകരുന്ന രോഗങ്ങൾ തുടങ്ങിയവ ഉണ്ടാകുന്നു. ഇതേ തുടർന്ന് ഗൗരവമുള്ള പലവിധ പ്രശ്നങ്ങൾ ഉടലെടുക്കുന്നതായി കാണാം. അതുകൊണ്ട് തന്നെ ഇക്കാര്യത്തിൽ ശാസ്ത്രീയമായ ബോധവൽക്കരണം അത്യാവശ്യമാണ്.
21. ശാസ്ത്രീയമായ ലൈംഗികാരോഗ്യ വിദ്യാഭ്യാസത്തിന്റെ അഭാവം തന്നെയാണ് ഇത്തരം പ്രശ്നങ്ങൾ വഷളാകാൻ പ്രധാന കാരണം.

കോണ്ടം

എയ്‌ഡ്‌സ്‌ ഉൾപ്പെടെ ലൈംഗികബന്ധത്തിലൂടെ പകരുന്ന രോഗങ്ങൾ, ആഗ്രഹിക്കാത്ത ഗർഭധാരണം എന്നിവ നിയന്ത്രിക്കുന്നതിൽ കോണ്ടത്തിന് ഏറെ പ്രാധാന്യമുണ്ട്. പല തരത്തിൽ ഉള്ള കോണ്ടം ഇന്ന് ലഭ്യമാണ്. നേർത്തതും, കട്ടിയുള്ളതും, ഡോട്ടുകൾ നിറഞ്ഞതും; ബീജത്തെയും രോഗാണുക്കളെയും ചെറുക്കുന്നതും ലൂബ്രിക്കന്റ് അടങ്ങിയതുമെല്ലാം അവയിൽ ചിലതാണ്. യോനീ വരൾച്ച ഉള്ളവർക്ക് വഴുവഴുപ്പ് ലഭിക്കുന്ന ലൂബ്രിക്കന്റ് അടങ്ങിയ ഉറകൾ അനുയോജ്യമാണ്. ആവശ്യമെങ്കിൽ വിപണിയിൽ ലഭ്യമായ മികച്ച ജലാധിഷ്ഠിത ലൂബ്രിക്കന്റുകൾ ഉപയോഗിക്കാവുന്നതാണ്. (ഉദാ: കേവൈ ജെല്ലി). വാനിലാ, ചോക്ലേറ്റ്, ബനാനാ തുടങ്ങിയ പല ഭക്ഷ്യസാധനങ്ങളുടെ രുചിയും മണവുമുള്ള ഉറകൾ ലാടെക്ക്സിന്റെ ഗന്ധം ഒഴിവാക്കുവാനും, അതുപോലെതന്നെ വദനസുരതം ഇഷ്ടപ്പെടുന്നവരെ ഉദ്ദേശിച്ചുള്ളതുമാണ്. തീരെ നേർത്ത ഉറകൾ (ഉദാ: എക്സ്ട്രാതിൻ, സ്കിൻ ഫിറ്റ്‌) ലൈംഗിക അനുഭൂതി ഒട്ടും കുറക്കുന്നില്ല. അതിനാൽ ഉപഭോക്താക്കൾക്കിടയിൽ ഇവക്ക് സ്വീകാര്യത കൂടുതലാണ് എന്ന് കമ്പനികൾ അവകാശപ്പെടുന്നു.

ശീഘ്രസ്ഖലനം ഉള്ള പുരുഷന്മാർക്ക് കൂടുതൽ സമയം ലഭിക്കുന്നതിന് വേണ്ടി ഉപയോഗിക്കാവുന്ന ഡിലേ, ലോങ്ങ്‌ ലാസ്റ്റിംഗ് (Delay, Long lasting)‘ തുടങ്ങിയ പേരുകളിൽ അറിയപ്പെടുന്ന പ്രത്യേകതരം കോണ്ടം ഇന്ന് ലഭ്യമാണ്. ഇവയിൽ അടങ്ങിയ പ്രത്യേകതരം ലൂബ്രിക്കന്റ് ആണ്‌ ഈ പ്രവർത്തനത്തിന് കാരണം. സ്ത്രീക്ക് രതിമൂർച്ഛ ലഭ്യമാക്കാൻ കുത്തുകൾ (ഡോട്ടഡ്), തടിപ്പുകൾ (Ribbed) എന്നിവ ഉള്ള ഉറകൾ സഹായിക്കുന്നു. അതിനാൽ ലൈംഗിക ആസ്വാദനം മെച്ചപ്പെടുത്താനും ഇവ ഉപയോഗിക്കുന്നു. ഇവ പലതും ചേർന്നു വരുന്ന രീതിയിൽ ഉള്ള ഉറകളും ധാരാളം. ഇത് ഒരേസമയം പുരുഷന് സമയദൈര്ഖ്യം നൽകുകയും സ്ത്രീക്ക് രതിമൂർച്ഛ ലഭ്യമാക്കാൻ സഹായിക്കുകയും ചെയ്യുന്നു. മ്യുച്ചൽ ക്ലൈമാക്സ്‌ തുടങ്ങിയ പേരിൽ ലഭിക്കുന്ന ഉറകൾ ഇതിന് ഉദാഹരണമാണ്. വദനസുരതം ഇഷ്ടപ്പെടുന്നവർക്ക് വായയിൽ ധരിക്കാൻ ദന്തമൂടികൾ അഥവാ ഡെന്റൽ ഡാംസ് ലഭ്യമാണ്. സ്ത്രീകൾക്കുള്ള കോണ്ടവും ഫലപ്രദമാണ്.

ഫാർമസി, സൂപ്പർമാർക്കറ്റുകൾ, ചെറിയ കടകൾ മുതൽ ഓൺലൈനായിവരെ കോണ്ടം വാങ്ങാൻ സാധിക്കും. ഇത് സാധാരണക്കാർക്ക് കോണ്ടത്തിന്റെ ലഭ്യത എളുപ്പമാക്കുന്നു. എന്നാൽ പലർക്കും ഇവ ചോദിച്ചു വാങ്ങാൻ തന്നെ ലജ്ജയും മടിയുമാണ്. എന്നാൽ നേരിട്ട് വാങ്ങാൻ ബുദ്ധിമുട്ട് ഉള്ളവർക്ക് ഓൺലൈൻ മാർഗത്തിൽ സ്വകാര്യമായി ഇവ വാങ്ങുവാനും ഇന്ന് സൗകര്യമുണ്ട്. ഉറകൾ വിൽക്കുന്നതിനോ സൂക്ഷിക്കുന്നതിനോ പ്രത്യേക ലൈസൻസ് ആവശ്യമില്ല.

സർക്കാർ ആശുപത്രികൾ, ആരോഗ്യ കേന്ദ്രങ്ങൾ എന്നിവ വഴി ഇവ സൗജന്യമായി ലഭ്യമാണ്. വികസിത രാജ്യങ്ങളിൽ ഹോട്ടലുകൾ, പബ്ലിക് ടോയ്‌ലെറ്റുകൾ, സർക്കാർ ഓഫീസുകൾ, ബാറുകൾ തുടങ്ങിയ ഇടങ്ങളിൽ കോണ്ടം ലഭിക്കുന്ന അത്യാധുനിക യന്ത്രം ഘടിപ്പിച്ചിട്ടുണ്ട്.

വിദേശ രാജ്യങ്ങളിൽ

ലൈംഗിക ബന്ധത്തിലൂടെ പകരുന്ന രോഗങ്ങളുടെ ചികിത്സയ്ക്കും വ്യാപനം തടയുന്നതിന് വേണ്ടിയും വിദേശ രാജ്യങ്ങളിൽ പ്രത്യേക ക്ലിനിക്കുകൾ പ്രവർത്തിക്കുണ്ട്. പൂർണ്ണമായും രഹസ്യവും സൗജന്യവുമായ ചികിത്സയും പ്രതിരോധ മാർഗങ്ങളും അവിടങ്ങളിൽ ലഭ്യമാണ്. യുകെയിലെ ‘GUM ക്ലിനിക്കുകൾ’ ഇതിന് ഉദാഹരണമാണ്.

പല വികസിത രാജ്യങ്ങളിലും എയ്ഡ്‌സ് ഉൾപ്പെടെ രോഗങ്ങൾ തടയാൻ വേണ്ടിയുള്ള ബോധവൽക്കരണം ശാസ്ത്രീയ ലൈംഗിക വിദ്യാഭ്യാസത്തിന്റെ ഭാഗമായി സ്കൂൾ, കോളേജ് തലങ്ങളിൽ ലഭ്യമാക്കിയിട്ടുണ്ട്. ഇതൊരു ആരോഗ്യ വിദ്യാഭ്യാസം കൂടിയാണ്. സർക്കാർ സംവിധാനം കൂടാതെ തന്നെ സ്വകാര്യ സന്നദ്ധ സംഘടനകളും ഇത്തരം സേവനങ്ങൾ നൽകി വരുന്നുണ്ട്.

യുകെയിൽ ആളുകൾ അറിയാതെ അവരുടെ എച്ച്ഐവി പരിശോധന സർക്കാർ ആശുപത്രി സംവിധാനമായ എൻഎച്ച്എസ് നടത്താറുണ്ട്. ഹെപ്പറ്ററ്റിസ് അടക്കം ഓട്ടോമാറ്റിക് പരിശോധന സംവിധാനം പല ആശുപത്രികളിലെയും അടിയന്തിര ചികിത്സ യൂണിറ്റുകളിൽ പ്രവർത്തിക്കുന്നുണ്ട്. രോഗം അറിയാത്ത ആളുകളെ അല്ലെങ്കിൽ പരിശോധനയ്ക്ക് തയ്യാറാകാത്ത ആളുകളെ കണ്ടെത്തി ചികിത്സ നൽകുക, ഇവരിൽ നിന്നുള്ള രോഗ വ്യാപനം തടയുക എന്നിവയാണ് ഇതുകൊണ്ട് ഉദേശിക്കുന്നത്.

വിദേശ രാജ്യങ്ങളിൽ ഹോട്ടലുകൾ, പബ്ലിക് ടോയ്‌ലെറ്റുകൾ, സർക്കാർ ഓഫീസുകൾ, ബാറുകൾ തുടങ്ങിയ ഇടങ്ങളിൽ കോണ്ടം ലഭിക്കുന്ന അത്യാധുനിക യന്ത്രം ഘടിപ്പിച്ചിട്ടുണ്ട്. ലൈംഗിക ബന്ധത്തിലൂടെ പകരുന്ന എയ്ഡ്‌സ് ഉൾപ്പെടെയുള്ള രോഗങ്ങൾ തടയുക, ആഗ്രഹിക്കാത്ത ഗർഭധാരണം ഒഴിവാക്കുക എന്നതാണ് ഇതിന്റെ ലക്ഷ്യം.

പുറമെ നിന്നുള്ള കണ്ണികൾ

Archived 2013-01-14 at the Wayback Machine കൂടുതൽ വിവരങ്ങൾ അറിയാൻ ഇതിൽ അമർത്തു