കളിയാട്ടം (ചലച്ചിത്രം)
മലയാള ചലച്ചിത്രം From Wikipedia, the free encyclopedia
Remove ads
പ്രശസ്ത മലയാളം സം‌വിധായകൻ ജയരാജിന്റെ സം‌വിധാനത്തിൽ 1997-ൽ പുറത്തിറങ്ങിയ മലയാളചലച്ചിത്രമാണ് കളിയാട്ടം[2][3][4]. സുരേഷ് ഗോപിയായിരുന്നു ഈ ചിത്രത്തിലെ നായകകഥാപാത്രമായ കണ്ണൻ പെരുമലയൻറെ വേഷം കൈകാര്യം ചെയ്തത്. നായികയായ താമര എന്ന കഥാപാത്രം കൈകാര്യം ചെയ്തത് മഞ്ജു വാര്യരാണ്. ലോകപ്രശസ്തനായ നാടകകൃത്ത് വില്ല്യം ഷേക്സ്പിയറുടെ ഒഥല്ലോ എന്ന നാടകത്തിൻറെ കഥയെ ആസ്പദമാക്കിയാണ് ജയരാജ് കളിയാട്ടം എന്ന ചിത്രം ഒരുക്കിയത്. തിരക്കഥയും സംഭാഷണവും എഴുതിയത് ബൽറാം മട്ടന്നൂർ. സംഗീതസം‌വിധാനം നിർവ്വഹിച്ചതും, ഗാനരചന നിർവ്വഹിച്ചതും കൈതപ്രം ദാമോദരൻ നമ്പൂതിരി. 1997-ലെ മികച്ച നടനുള്ള ദേശീയചലച്ചിത്രപുരസ്കാരവും, മികച്ച നടനുള്ള കേരളസംസ്ഥാന ചലച്ചിത്രപുരസ്കാരവും, സുരേഷ് ഗോപിക്ക് നേടിക്കൊടുത്ത ചിത്രമാണ് കളിയാട്ടം. സുരേഷ് ഗോപിയുടെ എക്കാലത്തേയും നല്ല കഥാപാത്രങ്ങളിൽ ഒന്നാണ് കളിയാട്ടത്തിലെ കണ്ണൻ പെരുമലയൻ[5].
Remove ads
കഥാസംഗ്രഹം
നാട്ടിലെ പ്രമുഖ തെയ്യം കലാകാരനായ കണ്ണൻ പെരുമലയൻ(സുരേഷ് ഗോപി), താമര (മഞ്ജു വാര്യർ) എന്ന യുവതിയെ പ്രണയിച്ച് വിവാഹം കഴിക്കുന്നതോടെയാണ് ചിത്രം ആരംഭിക്കുന്നത്. താമരയെ ആഗ്രഹിച്ചിരുന്ന ഒരു നാട്ടുപ്രമാണി പെരുമലയൻറെ സുഹൃത്തായ പനിയൻറെ (ലാല്) സഹായത്തോടെ തമരയെ പെരുമലയനിൽ നിന്നും അകറ്റാൻ ശ്രമിക്കുന്നു. ഇതിൻറെ ഭാഗമായി താമരയേയും, പെരുമലയൻറെ മറ്റൊരു സുഹൃത്തായ കാന്തനേയും (ബിജു മേനോൻ) ചേർത്ത് അപവാധങ്ങൾ പെരുമലയൻറെ കാതിൽ എത്തിക്കുന്നു. കെട്ടിച്ചമച്ച കൃത്രിമമായ തെളിവുകളോട് കൂടെ പനിയൻ ഈ നുണക്കഥകൾ പെരുമലയനെ വിശ്വസിപ്പിക്കുന്നു. ഇത് കേട്ട് വിശ്വസിച്ച പെരുമലയൻ താമരയെ സംശയിക്കുകയും തുടർന്ന് താമരയെ ഒരു ദിവസം കൊല്ലുകയും ചെയ്യുന്നു. പക്ഷേ പിന്നീട് പനിയൻറെ ഭാര്യയിൽ(ബിന്ദു പണിക്കർ) നിന്നും സത്യം മനസ്സിലായ പെരുമലയൻ, പനിയനെ ആക്രമിക്കുകയും, തുടർന്ന് സ്വയം അഗ്നിയിൽ ചാടി ആത്മഹത്യ ചെയ്യുകയും ചെയ്യുന്നു.
Remove ads
പ്രധാന അഭിനേതാക്കൾ
- സുരേഷ് ഗോപി – കണ്ണൻ പെരുമലയൻ
- മഞ്ജു വാര്യർ – താമര
- ലാൽ - പനിയൻ
- ബിജു മേനോൻ – കാന്തൻ
- ബിന്ദു പണിക്കർ – പനിയന്റെ ഭാര്യ
ഗാനങ്ങൾ
പുരസ്കാരങ്ങൾ
- മികച്ച നടനുള്ള ദേശീയ ചലച്ചിത്രപുരസ്കാരം – സുരേഷ് ഗോപി (1997)
- മികച്ച നടനുള്ള കേരളസംസ്ഥാന ചലച്ചിത്രപുരസ്കാരം – സുരേഷ് ഗോപി (1997)
പുറത്തേക്കുള്ള കണ്ണികൾ
അവലംബം
Wikiwand - on
Seamless Wikipedia browsing. On steroids.
Remove ads