ഓട്ടവ
From Wikipedia, the free encyclopedia
Remove ads
കാനഡയുടെ തലസ്ഥാനവും ഒരു നഗരവുമാണ് ഓട്ടവ (ˈɒtəwə , ചിലപ്പോൾ /ˈɒtəwɑː/). ദക്ഷിണ ഒണ്ടാരിയോയുടെ കിഴക്കൻ പ്രദേശത്തുള്ള ഓട്ടവ താഴ്വരയിൽ ഓട്ടവ നദിയുടെയും റിഡ്യൂ നദിയുടെയും സംഗമസ്ഥാനത്താണ് നഗരം സ്ഥിതി ചെയ്യുന്നത്. ക്യൂബെക്കിലെ ഗാറ്റിനോയുമായി അതിർത്തി പങ്കിടുന്ന ഈ നഗരം, ഒട്ടാവ-ഗാറ്റിനോ സെൻസസ് മെട്രോപൊളിറ്റൻ ഏരിയയുടെയും (CMA) നാഷണൽ ക്യാപിറ്റൽ റീജിയന്റെയും (NCR) ഹൃദയഭാഗമാണ്.[13] 2021 ലെ കണക്കനുസരിച്ച്, 1,017,449 നഗര ജനസംഖ്യയും 1,488,307 മെട്രോപൊളിറ്റൻ ജനസംഖ്യയും ഉണ്ടായിരുന്ന ഇത് കാനഡയിലെ നാലാമത്തെ ഏറ്റവും വലിയ മുൻസിപ്പാലിറ്റിയും ഒണ്ടാരിയോയിലെ രണ്ടാമത്തെ വലിയ മുൻസിപ്പാലിറ്റിയുമാണ്‌.[14][15]
.jpg)
കാനഡയുടെ രാഷ്ട്രീയ കേന്ദ്രവും ഫെഡറൽ ഗവൺമെന്റിന്റെ ആസ്ഥാനവുമാണ് ഒട്ടാവ. കാനഡയിലെ പാർലമെന്റ്, സുപ്രീം കോടതി, കാനഡയുടെ വൈസ്രോയിയുടെ വസതി, പ്രധാനമന്ത്രിയുടെ ഓഫീസ് എന്നിവ ഉൾപ്പെടുന്ന നിരവധി വിദേശ എംബസികൾ, പ്രധാന കെട്ടിടങ്ങൾ, സംഘടനകൾ, സ്ഥാപനങ്ങൾ എന്നിവ ഈ നഗരത്തിലുണ്ട്.[16]
1826-ൽ ബൈടൗൺ എന്ന പേരിൽ സ്ഥാപിതമായ ഈ നഗരം 1855-ൽ ഒട്ടാവ എന്ന പേരിൽ സംയോജിപ്പിക്കപ്പെട്ടു. നിരവധി കൂട്ടിച്ചേർക്കലുകളിലൂടെ ഇതിന്റെ യഥാർത്ഥ അതിർത്തികൾ പല തവണ വികസിപ്പിക്കുകയും ഒടുവിൽ 2001-ൽ ഒരു പുതിയ നഗര സംയോജനത്തിലൂടെ അതിരുകൾ മാറ്റിസ്ഥാപിക്കുകയും ചെയ്തു. ഒന്റാറിയോ സർക്കാരിന്റെ ഒട്ടാവ സിറ്റി ആക്ട് പ്രകാരമാണ് ഒട്ടാവയിലെ മുനിസിപ്പൽ സർക്കാർ സ്ഥാപിക്കപ്പെടുകയും ഭരിക്കപ്പെടുകയും ചെയ്യുന്നത്. 24 വാർഡുകളിലായി തിരഞ്ഞെടുക്കപ്പെട്ട ഒരു സിറ്റി കൗൺസിലും നഗരത്തിലുടനീളം തിരഞ്ഞെടുക്കപ്പെടുന്ന ഒരു മേയറുമുള്ള ഇവിടെ ഓരോ പ്രതിനിധികളെയും ഫസ്റ്റ്-പാസ്റ്റ്-ദി-പോസ്റ്റ് വോട്ടിംഗ് സമ്പ്രദായം ഉപയോഗിച്ച് തിരഞ്ഞെടുക്കുന്നു.[17]
കനേഡിയൻ നഗരങ്ങളിൽ ഏറ്റവും കൂടുതൽ സർവകലാശാലാ വിദ്യാഭ്യാസമുള്ള താമസക്കാരുള്ള ഒട്ടാവയിൽ ഒട്ടാവ സർവകലാശാല, കാർലെട്ടൺ സർവകലാശാല, അൽഗോൺക്വിൻ കോളേജ്, കൊളാഷ് ലാ സിറ്റെ, നാഷണൽ ആർട്‌സ് സെന്റർ, നാഷണൽ ഗാലറി ഓഫ് കാനഡ എന്നിവയുൾപ്പെടെ നിരവധി കോളേജുകളും സർവകലാശാലകളും ഗവേഷണ-സാംസ്കാരിക സ്ഥാപനങ്ങളും അതുപോലെതന്നെ നിരവധി ദേശീയ മ്യൂസിയങ്ങൾ, സ്മാരകങ്ങൾ, ചരിത്ര സ്ഥലങ്ങൾ എന്നിവയുമുണ്ട്.[18] കാനഡയിൽ ഏറ്റവും കൂടുതൽ ആളുകൾ സന്ദർശിക്കുന്ന നഗരങ്ങളിൽ ഒന്നാണിത്, പ്രതിവർഷം 11 ദശലക്ഷത്തിലധികം സന്ദർശകർ ഇവിടെയെത്തുന്നു.[19][20]
Remove ads
പദോൽപ്പത്തി
1855-ൽ ഒട്ടാവ നദിയെ പരാമർശിച്ച് "വ്യാപാരം" എന്നർത്ഥം വരുന്ന അൽഗോൺക്വിൻ പദമായ അഡാവെ എന്നതിൽ നിന്ന് ഉരുത്തിരിഞ്ഞ ഒരു പദമായ ഒട്ടാവ നഗരത്തിന്റെ പേരായിതിരഞ്ഞെടുത്തു.[21][22] ആധുനിക അൽഗോൺക്വിനിൽ, നഗരം ഒഡാവാഗ് എന്നാണ് അറിയപ്പെടുന്നത്.[23]
ആദ്യകാല ചരിത്രം
ചാമ്പ്ലൈൻ കടലിന്റെ സ്വാഭാവിക നീർച്ചാലുകൾ രൂപപ്പെട്ടിരുന്ന ഒട്ടാവ താഴ്‌വര ഏകദേശം 10,000 വർഷങ്ങൾക്ക് മുമ്പുതിന്നനെ വാസയോഗ്യമായ പ്രദേശമായിരുന്നു.[24][25] അമ്പിൻമുനകൾ, ഉപകരണങ്ങൾ, മൺപാത്രങ്ങൾ എന്നിവയടങ്ങുന്ന പുരാവസ്തു കണ്ടെത്തലുകൾ സൂചിപ്പിക്കുന്നത് ഏകദേശം 6,500 വർഷങ്ങൾക്ക് മുമ്പ് തദ്ദേശീയ ജനത ഈ പ്രദേശത്ത് ആദ്യമായി സ്ഥിരതാമസമാക്കിയിരുന്നുവെന്നാണ്.[26][27] ഈ അൽഗോങ്കിയൻ ജനത ഭക്ഷണം തേടൽ, വേട്ടയാടൽ, മീൻപിടുത്തം എന്നിവയിൽ മാത്രമല്ല, വ്യാപാരത്തിലും യാത്രയിലും ഏർപ്പെട്ടിരുന്നു എന്നാണ് ഈ കണ്ടെത്തലുകൾ സൂചിപ്പിക്കുന്നത്. മൂന്ന് പ്രധാന നദികൾ കൂടിച്ചേരുന്ന ഒട്ടാവ ആയിരക്കണക്കിന് വർഷങ്ങളായി ഒരു പ്രധാന വ്യാപാര, യാത്രാ മേഖലയായി മാറിയിരുന്നു.[28] ഒഡാവ, ഒജിബ്‌വെ ജനങ്ങളുമായി അടുത്ത ബന്ധമുള്ള വിശാലമായ തദ്ദേശീയ ജനതയാണ് അൽഗോങ്കിയനുകൾ.[29][30] പതിനഞ്ചാം നൂറ്റാണ്ടിലും അതിനുശേഷവും യൂറോപ്യന്മാർ കുടിയേറ്റക്കാരുടെ ആഗമനവും വടക്കേ അമേരിക്കയുടെ കോളനിവൽക്കരണവും ആരംഭിച്ചതോടെ ഈ കാലഘട്ടം അവസാനിച്ചു.[31]
Remove ads
അവലംബം
പുറത്തേക്കുള്ള കണ്ണികൾ
Wikiwand - on
Seamless Wikipedia browsing. On steroids.
Remove ads